မန္တလေးတိုင်း ဝမ်းတွင်းမြို့နယ်၊ တဲစုရွာက ပျူစောထီးတယောက်ကို ဒီနေ့ စက်တင်ဘာ ၁၂ ရက်မနက်က ရှင်းလင်းခဲ့တယ်လို့ ဒေသခံ တော်လှန်ရေးတပ်ဖွဲ့က ဆိုပါတယ်။

ဒေသခံတယောက်က “ဟုတ်ပါတယ်။ ဒီနေ့မနက်ပဲ  လယ်ကွင်းထဲမှာ ပစ်သတ်ခံရတာပါ။ တဲစုရွာက ဦးမင်းဌေး ခေါင်းကိုကျည်ထိပြီး နေရာတင် သေဆုံးသွားတာ သိရတယ်” လို့ ပြောပါတယ်။

ဝမ်းတွင်းမြို့နယ် တော်လှန်ရေးအင်အားစု Wundwin Township Revolution Force-WTRF)ကတော့ ပျူသင်တန်းဆင်းထားသူ တဲစုရွာက ပျူအကြီးစား မင်းဌေးဟာ စကစ နဲ့ ပေါင်းပြီး  ပြည်သူတွေကိုဒုက္ခမျိုးစုံပေးနေတာကြောင့် မနက် ၉ နာရီလောက်မှာ သုတ်သင် ရှင်းလင်းခဲ့တယ် လို့ လူမှုကွန်ရက်မှာ ထုတ်ပြန်ထားပါတယ်။