ဘူးသီးတောင်တွင် ဒုတိယကမ္ဘာစစ်က ဗုံးသီး ၁၈ လုံးတွေ့ရှိ
DVB
·
September 10, 2022
ရခိုင်ပြည်နယ် ဘူးသီးတောင်မြို့ အမှတ်(၁) ရှိ မြန်မာဆက်သွယ်ရေးရုံးမှာ စက်တင်ဘာ ၉ ရက်နေ့ မနက်ပိုင်းက ဒုတိယကမ္ဘာစစ် လက်ကျန်းဗုံးသီး ၁၈ လုံး တွေ့ရှိခဲ့တယ်လို့ သိရပါတယ်။
ဗုံးသီးတွေဟာ အလျား ၂ ပေ၊ လုံးပတ် ၁၁ လက်မခန့်ရှိပြီး စစ်မြေပြင် အင်ဂျင်နီယာ တပ်ရင်း (စအရ) ၉၀၈ ကို ပို့ဆောင်လိုက်တယ်လို့ ဘူးသီးတောင်မြို့ ရဲတပ်ဖွဲ့ဝင်တဦးကပြောပါတယ်။
"ဗုံးသီးတွေကတော့ ဒုတိယ ကမ္ဘာစစ်အတွင်းက သုံးခဲ့ကြတဲ့ ဗုံးတွေဗျာ။ မနေ့က ဆက်သွယ်ရေး ရုံးမှာ သန့်ရှင်းရေးလုပ်ကြတာမှာ တွေ့တာဖြစ်တယ်။ အားလုံး ၁ လုံးရှိတယ်။ ပေါက်ကွဲနိုင်တဲ့ အန္တရာယ်ကတော့ မရှိတော့ဘူး" လို့ ပြောပါတယ်။
ဆက်သွယ်ရေးရုံးမှာ စက်တင်ဘာ ၉ ရက်နေ့မနက်ပိုင်းက ရုံးသန့်ရှင်းရေး လုပ်နေစဉ် ဗုံးသီး ၄ လုံး စတင်တွေ့ရှိတာဖြစ်ပြီး ဆက်လက်တူးဖော်ရာ နောက်ထပ် ၁၄ လုံးကို တွေ့ရှိခဲ့တာပါ။
ပုံ- ဘူးသီးတောင်မြို့နယ် သတင်းမှန်အဖွဲ့
