မန္တလေးမြို့တွင် ဖြိုချနေသည့်တိုက်ဟောင်း ပြိုကျပြီး ၂ ဦးသေဆုံး၊ ၆ ဦး ဒဏ်ရာရ
DVB
·
July 24, 2022
မန္တလေးမြို့ ချမ်းအေးသာစံမြို့နယ်၊ ၂၉လမ်း၊ ၈၄ လမ်းနဲ့ ၈၅ လမ်းကြားရှိ တိုက်အဟောင်းကို ဇူလိုင် ၂၄ ရက် ညနေ ၄ နာရီကျော်က ဖြိုဖျက်စဥ် ကွန်ကရစ်ကြမ်းခင်း ပြိုကျတဲ့အတွက် ၂ ဦး သေဆုံးပြီး ၆ ဦး ဒဏ်ရာ ရခဲ့တယ်လို့ သိရပါတယ်။
အနီးအနားရှိ ပြည်သူတဦးက “ဘေးမှာက ဆိုင်ကယ်ကယ်ရီသမားတွေ၊ သစ်သီး ရောင်းတဲ့သူတွေ ရှိတယ်။ သူတို့တွေ အပေါ် ပိကျတာ။ နှစ်ဦး သေတယ်” လို့ ပြောပါတယ်။
ပြိုကျတဲ့နေရာကို ကယ်ဆယ်ရေးအဖွဲ့တွေ ရောက်လာပြီး ထိခိုက်ဒဏ်ရာရသူတွေနဲ့ သေဆုံးသူတွေ ကို ဆေးရုံကြီးပို့ဆောင်ခဲ့တယ်လို့ သိရပါတယ်။
ကွန်ကရစ်ကြမ်းခင်း ပြိုကျမှုကြောင့် အလုပ်သမား ၂ ဦး သေဆုံးပြီး ဒဏ်ရာရတဲ့ အလုပ်သမား ၂ ဦးအပါအဝင် ၄ ဦးကတော့ အခြေအနေ စိုးရိမ်စရာ မရှိဘူးလို့ ဒေသခံတွေက ပြောပါတယ်။
