စစ်နည်းဗျူဟာအဆင့် ရေပေါ်ရေအောက် ပူးပေါင်းစစ်ဆင်မှု လေ့ကျင့်ခန်း (Sea Shield-2022) လို့ အမည်ပေးထားတဲ့ စစ်ရေးလေ့ကျင့်မှုကို မြန်မာ့ရေပိုင်နက် ရခိုင်ကမ်းရိုးတန်းရေပြင်မှာ ဇူလိုင် ၁ ရက်က စတင်ကျင်းပခဲ့တယ်လို့ စစ်ကောင်စီက သတင်းထုတ်ပါတယ်။

စစ်ရေးလေ့ကျင့်မှုမှာ တပ်မတော်(ရေ)မှ ရေငုပ်သင်္ဘော စစ်ရေယာဉ် (မင်းရဲသိင်္ခသူ)နဲ့ တိုက်ခိုက်ရေးရေငုပ်သင်္ဘောစစ်ရေယာဉ် (မင်းရဲကျော်ထင်)အပါအဝင် စစ်ရေယာဉ် အစီး ၂၀ နဲ့ ရဟတ်ယာဉ်တွေပါဝင် လေ့ကျင့်ခဲ့တယ်လို့ဆိုပါတယ်။

စစ်ရေးလေ့ကျင့်မှုကို စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် လာရောက်ကြည့်ရှုခဲ့ပြီး စစ်ရေယာဉ်တွေ တိုက်ပွဲဝင်အသင့်ဖြစ်ရေးအတွက် အမြဲတမ်း ပြင်ဆင် လေ့ကျင့်နေကြဖို့ ပြောခဲ့တယ်လို့  ဒီနေ့ထုတ် သတင်းစာတွေမှာဖော်ပြပါတယ်။

Photo- DSINFO