Home
မြန်မာသတင်း
မတ္တရာမြို့နယ် စကျင်ကျေးရွာအနီး စက်လှေတစီး နစ်မြုပ်ပြီး လူ ၁ ဦးသေဆုံး
DVB
·
June 24, 2022
290085070_1663101190742361_7504515871127649198_n

မန္တလေးတိုင်း၊ မတ္တရာမြို့နယ်၊ စကျင်ကျေးရွာ အနောက်ဘက်အင်းအတွင်း ဇွန် ၂၄ ရက် မနက် ၆ နာရီခွဲလောက်က စက်လှေတစီး နစ်မြုပ်ခဲ့ပါတယ်။

စက်လှေဟာ မြွေဟင်္သာရွာကနေ စကျင်ရွာဘက်ကို ကူးလာတဲ့အချိန် မှောက်ခဲ့တာဖြစ်ပြီး စက်လှေပေါ်မှာ အမျိုးသား ၅ ဦး လိုက်ပါလာရာ ၄ ဦး အသက်ရှင်ကာ ၁ ဦး သေဆုံးခဲ့တယ်လို့ သိရပါတယ်။

မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းဒေသကြီး) မှ တာဝန်ရှိသူက “ကျနော်တို့ မန္တလေးတိုင်း လူမှုကယ်ဆယ်ရေးအဖွဲ့ ဒိုင်ဗာတင်းက သွားရောက်ရှာဖွေ ကယ်ဆယ်ခဲ့တာ။ စက်လှေပေါ်ပါတဲ့ ၅ ဦးမှာ တဦးက ပျောက်သွားတဲ့အတွက် ရှာဖွေခဲ့ရတယ်။ နေ့လယ် ၁၂ နာရီလောက်မှာ ရုပ်အလောင်းကိုတွေ့တယ်။ ဒီအချိန်က ရေတိုးတဲ့အချိန်ဆိုတော့ မတော်တဆ မှောက်တာဖြစ်မယ်” လို့ ပြောပါတယ်။

ရေနစ်သေဆုံးသူဟာ အသက် ၂၇ နှစ်အရွယ် ဇင်ကို ဆိုသူဖြစ်ပြီး ရုပ်အလောင်းကို မတ္တရာပြည်သူ့ဆေးရုံ ပို့ဆောင်ခဲ့တယ်လို့ သိရပါတယ်။

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024