မြန်မာ-ထိုင်းနယ်စပ် မြဝတီဘက်ကနေ ထိုင်းနိုင်ငံ တာခ်ရိုင် ဝမ်းကြောက်မြို့နယ်ထဲ ထိုင်းကျေးရွာရပ်ကွက် ဥက္ကဋ္ဌပိုင် ကားနှစ်စီးနဲ့ တရာမဝင် ဝင်ရောက်လာတဲ့ ရွှေ့ပြောင်းမြန်မာ အလုပ်သမား ၁၇ ဦးကို မေ ၂၉ ရက် မနက် ၃ နာရီခွဲလောက် ဖမ်းဆီးရမိခဲ့တယ်လို့ ရဲစခန်းက ပြောပါတယ်။
မသင်္ကာဖွယ် ကားနှစ်စီးကို ဝမ်းကြောက်မြို့ ရပ်ကွက် ၈ တောတွင်း မြေနီလမ်းမှာ တာဝန်ရှိသူ တွေက စစ်ဆေးဖို့ တားဆီးစဉ် မောင်းပြေးသွားတဲ့အတွက် လိုက်လံဖမ်းဆီးရာ တစီးဖမ်းမိခဲ့တယ် လို့ ဆိုပါတယ်။
ဒီနောက် ထွက်ပြေးသွားတဲ့ကားဟာ ရပ်ကွက် ၈ ဥက္ကဋ္ဌရဲ့ ကားဖြစ်ကြောင်း သတင်းရတာကြောင့် သက်သေတွေနဲ့ သွားရောက်ဖမ်းဆီးခဲ့ပါတယ်။
အဲဒီကားနှစ်စီးနဲ့ တရားမဝင် ဝင်ရောက်လာတဲ့ မြန်မာနိုင်ငံသား ကျား ၁၃ ဦး၊ မ ၄ ဦး စုစုပေါင်း ၁၇ ဦးကို ဖမ်းဆီးမိခဲ့တယ်လို့ ရဲစခန်းက ပြောပါတယ်။
ထိုင်းရဲ၊ စစ်တပ်၊ လုံခြုံရေးတပ်ဖွဲ့နဲ့ ထိုင်းကျန်းမာရေးဌာနတို့က ပူးပေါင်းဖမ်းဆီးခဲ့တာဖြစ်ပြီး မြန်မာရွှေ့ပြောင်းအလုပ်သမား ၁၇ ဦးကို ကိုဗစ်-၁၉ ရောဂါ စစ်ဆေးပြီး တရားဥပဒေအတိုင်း အရေးယူသွားမယ်လို့ ဆိုပါတယ်။
