ထိုင်းနိုင်ငံ၊ တာ့ခရိုင်၊ ဖုတ်ဖမြို့မှာ ဧပြီ ၂၈ ရက် ဒီနေ့မနက်က တရားမဝင် ဝင်ရောက်လာတဲ့ ရွှေ့ပြောင်းမြန်မာအလုပ်သမား ၁၅၄ ယောက်ကို ထိုင်းလူကုန်ကူးကား ၈ စီးနဲ့ အတူ ဖမ်းဆီးမိတယ်လို့ မဲဆောက်မြို့လုံခြုံရေးတပ်ဖွဲ့ကနေ သိရပါတယ်။
မြန်မာ-ထိုင်းနယ်စပ်မှ ဘက်ကောက်မြို့သို့ ပို့ဆောင်ဖို့ ရွှေ့ပြောင်းမြန်မာအလုပ်သမားတွေကို ကား အတွင်းပိုင်းမှာထားပြီး အပြင်ဘက်မှာတော့ ပြောင်းဖူးအိတ်တွေ အမိုးအကာတွေနဲ့ ကာပြီး တင်ဆောာင်လာစဉ် ထိုင်းဌာနဆိုင်ရာတွေက စစ်ဆေးရာကနေ ဖမ်းဆီးနိုင်ခဲ့ပါတယ်။
အခုရက်ပိုင်းတွင်း မြန်မာ-ထိုင်းနယ်စပ်၊ တာ့ခ်ခရိုင်ရှိ ၅ မြို့နယ်မှာ နိုင်ငံခြားသားဝင်ရောက်မှုတွေ ကို အထူးစောင့်ကြည့် လုံခြုံရေးတင်းကျပ်ထားပါတယ်။
ဧပြီ ၂၇ ရက် မနေ့ညနေကလည်း ထိုင်းနိုင်ငံ၊ တာခ်ရိုင်၊ ဖုတ်ဖမြို့နယ်မှာ ဂေါ်ဖီထုပ်တင်တဲ့ကားပေါ် ပုန်းအောင်းလိုက်ပါလာတဲ့ တရားမဝင် ရွှေ့ပြောင်းမြန်မာအလုပ်သမား ၁၄ ယောက် ဖမ်းခံရပါတယ်။
