ရန်ကုန်တိုင်း လှိုင်သာယာမြို့နယ် စက်မှုမှတ်တိုင်နားက မြို့နယ်လျှပ်စစ်ရုံး ဒီကနေ့ မတ်လ ၁၀ ရက် မနက် ၅ နာရီ ၂၀ မိနစ်လောက်က ဗုံးခွဲတိုက်ခိုက်ခံရတယ်လို့ သိရပါတယ်။
ဒီတိုက်ခိုက်မှုကို Hlaing Thar Yar Region Defence Force အဖွဲ့က ပြုလုပ်တာဖြစ်ပြီး လက်လုပ်ဗုံး ၂ လုံးနဲ့ ဖောက်ခွဲတိုက်ခိုက်ခဲ့တာလို့ ထုတ်ပြန်ထားပါတယ်။
အလားတူ ရန်ကုန်တိုင်းဒေသကြီး မြောက်ဥက္ကလာပမြို့နယ် ဇေကမ္ဘာဝင်းအတွင်းက Mytel တာဝါတိုင်ကိုလည်း မတ် ၉ ရက် ည ၈ နာရီ ၄၅ မိနစ်လောက်က အဝေးထိန်းမိုင်းနဲ့ ဖောက်ခွဲတိုက်ခိုက်ခဲ့တယ်လို့ ဆိုပါတယ်။
မြို့ခံတဦးက “ည ၉ နာရီက ဇေကမ္ဘာဝင်းထဲက တာဝါတိုင်မှာ ဗုံးပေါက်တာ။ ဗုံး ၂ လုံးပေါက်တာ။ အသံကျယ်တယ်။ အရှိန်ပြင်းတယ်။ ညဆိုတော့ ထိခိုက်တာတော့ သေချာမသိဘူး” လို့ ပြောပါတယ်။
မြို့နယ်လျှပ်စစ်ရုံးနဲ့ Mytel တာဝါတိုင် ဗုံးခွဲတိုက်ခိုက်ခံရတာကြောင့် ထိခိုက်ဒဏ်ရာရသူ ရှိ၊ မရှိ မသိရသေးဘဲ ဒီဗွီဘီက စုံစမ်းမေးမြန်းနေဆဲ ဖြစ်ပါတယ်။
