ကိုဗစ်- ၁၉ ရောဂါပိုးစစ်ဆေးတွေ့ရှိခဲ့တာကြောင့် တရုတ်- မြန်မာနယ်စပ် ကျင်စန်းကျော့နဲ့ လွယ်ဂျယ်ကုန်သွယ်ရေးဂိတ်တွေကို ယာယီပိတ်ထားကြောင်း သိရပါတယ်။
တရုတ်ဘက်က အကောက်ခွန် ဝန်ထမ်းတွေနဲ့ ရှန်တိန်ယာဥ်မောင်းတွေမှာ ကိုဗစ်ပိုး တွေ့ရှိတဲ့အတွက် ကျင်ဆန်းကျော့ ကုန်သွယ်ရေးဂိတ်ကို ဒီနေ့ မနက်ပိုင်းက စတင်ပြီး ၂ ရက်ယာယီ ပိတ်လိုက်တယ်လို့ သိရပါ တယ်။
ရွှေလီမြို့ကိုလည်း ဒီနေ့ မနက်ပိုင်းကစပြီး ၂ ရက်ကြာလော့ဒေါင်းချထားမယ်လို့လည်း သိရပါတယ်။
ကချင်ပြည်နယ် မြန်မာ-တရုတ်နယ်စပ် လွယ်ဂျယ်နယ်စပ်ကုန်ရေးဂိတ်ကိုတော့ မတ်လ ၁ ရက်နေ့က စတင်ပြီး ၃ ရက်ကြာ ယာယီပိတ်လိုက်တာပါ။
တရုတ်ပြည်ကို တင်ပို့မယ့် တရုတ်တစ်သျှူးငှက်ပျောဖာမှာ ကိုဗစ်- ၁၉ ရောဂါပိုးစစ်ဆေး တွေ့ရှိခဲ့ပြီး၊ ယာဥ်မောင်း ၄ ယောက်မှာလည်း ရောဂါပိုး စစ်ဆေးတွေ့ရှိခဲ့တာကြောင့် လွယ်ဂျယ်ဂိတ်ကို ယာယီပိတ်လိုက်ရတာလို့ ကုန်သည်တွေထံက သိရပါတယ်။
ကျင်ဆန်းကျော့ ဂိတ်ကနေ တရုတ်နိုင်ငံကို သစ်သီး၀လံတွေ အပါအ၀င် လယ်ယာ ထွက်ကုန်တွေနဲ့ ရေထွက်ကုန်တွေကို အဓိက တင်ပို့နေတာဖြစ်ပြီး လွယ်ဂျယ်နယ်စပ်ဂိတ်ကနေ တရုတ်ပြည်ကို ကြံ၊ပြောင်း၊ ဆန်၊ငှက်ပျောတို့ အဓိကတင်ပို့နေတာဖြစ်ပါတယ်။
လတ်တလော အဆိုပါ ကုန်သွယ်ရေး ဂိတ်တွေမှာ ပို့ကုန်ကားတွေ ရာနဲ့ ချီပိတ်မိနေတယ်လို့ သိရပါတယ်။
