စစ်ကိုင်းမြို့အနီး မြေငလျင်လှုပ်
DVB
·
February 28, 2022
မြန်မာနိုင်ငံပြည်တွင်း စစ်ကိုင်းမြို့ အနီး အင်အားရစ်(ခ်)တာစကေး ၄ ဒသမ ၅ အဆင့်ရှိ အင်အားအနည်းငယ်ရှိတဲ့ မြေငလျင်တစ်ခု ဖေဖော်ဝါရီ ၂၈ ရက် ဒီနေ့ နေ့လယ်ပိုင်းက လှုပ်ရှားသွားတယ်လို့ မိုးဇလဌာနက သတင်းထုတ်ပြန်ပါတယ်။
ဒီနေ့ နေ့လယ် ၂ နာရီ ၂၄ မိနစ်ကျော်လောက်က မန္တလေးမြေငလျင်စခန်းမှ အနောက်-အနောက်မြောက်ဘက် ၈ မိုင်ခန့် ကွာဝေးတဲ့ စစ်ကိုင်းမြို့ရဲ့ မြောက်ဘက် ၁၄ မိုင်လောက်အကွာ မြောက်လတ္တီတွဒ် (၂၂.၀၈) ဒီဂရီ၊ အရှေ့ လောင်ဂျီတွဒ် (၉၆.၀၁) ဒီဂရီ၊ အနက် (၄) ကီလိုမီတာကို ဗဟိုပြုပြီး မြေငလျင်တစ်ခု လှုပ်ခတ်သွားတာလို့ ဆိုပါတယ်။
ငလျင်ဒဏ်ကို မန္တလေးဘက်ကလည်း သိရှိခံစားခဲ့ရပြီး ငလျင်ကြောင့် ထိခိုက်ပျက်စီးမှု အခြေအနေ သတင်းတွေကတော့ မကြားသိရသေးပါဘူး။
