ကျောက်ဆည်မြို့ လျှပ်စစ်မီတာရုံး တိုက်ခိုက်ခံရ၊ စားရေးမတစ်ဦး ထိခိုက်ဒဏ်ရာရ
DVB
·
February 10, 2022
မန္တလေးတိုင်းဒေသကြီး ကျောက်ဆည်ခရိုင် ကျောက်ဆည်မြို့နယ် ဆူးကုန်းရပ်ကွက် ရုံးကြီးလမ်းရှိ စစ်ကောင်စီတပ်ဖွဲ့ လုံခြုံရေးယူထားတဲ့ လျှပ်စစ်မီတာရုံး EPC ကို ကျောက်ဆည်ခရိုင်ပြည်သူ့ကာကွယ်ရေးတပ်ဖွဲ့ ဖေဖော်ဝါရီ ၉ ရက် မွန်းတည့် ၁၂ နာရီလောက်မှာ ကျောင်ဆည်ခရိုင်ပြည်သူ့ကာကွယ်ရေးတပ်ဖွဲ့က ဗုံးခွဲတိုက်ခိုက်ခဲ့တယ်လို့ ထုတ်ပြန်ထားပါတယ်။
ပြည်သူလူထုကို အတင်းအကြပ်ဖိအားပေး မီးတာခဆောင်ခိုင်းတဲ့ အုပ်ကြီးများ ရာအိမ်မှူးတွေအပါအဝင် စစ်ကောင်စီရဲ့ လက်ပါးစေတွေကို နောက်ဆုံးအကြိမ် သတိပေးတဲ့အနေနဲ့ မီးတာရုံးအားဖောက်ခွဲတာလို့ ကျောက်ဆည်ခရိုင်ပြည်သူ့ကာကွယ်ရေးတပ်ဖွဲ့ရဲ့ ပြန်ကြားရေးတာဝန်ခံက ပြောပါတယ်။
တိုက်ခိုက်မှုမှာ လျှပ်စစ်မီတာရုံး EPC ဝန်ထမ်း စားရေးမတစ်ဦး ထိခိုက်ဒဏ်ရာရသွားပြီး ကျောက်ဆည်မြို့နယ် ပြည်သူ့ဆေးရုံကို ပို့ဆောင်ထားရတယ်လို့ သိရပါတယ်။
