အာဏာသိမ်း စစ်ခေါင်းဆောင်မင်းအောင်လှိုင်ဟာ ပျူမြို့ဟောင်းနဲ့ မကွေးမြသလွန်ဘုရားကို သွားရောက်ဖူးမြော်ခဲ့တယ်လို့ သိရပါတယ်။
စစ်ခေါင်းဆောင် မင်းအောင်လှိုင်ဟာ ဖေဖော်ရီ ၉ ရက်နေ့က ဗိဿနိုးမြို့ဟောင်းကို သွားရောက်ခဲ့ပြီး ကမ္ဘာ့အမွေအနှစ်စာရင်းဝင်များ ရေရှည်တည်တံ့ခိုင်မြဲစေရေး ဝိုင်းဝန်းထိန်းသိမ်းကြဖို့ ညွှန်ကြားခဲ့တယ်လို့ သိရပါတယ်။
ဒါ့အပြင် မကွေးမြသလွန်စေတီတော်ကိုလည်း သွားရောက်ဖူးမြော်ခဲ့တယ်လို့ စစ်တပ် ထောက်တိုင်တစ်ဦးက သူ့ရဲ့ Facebook စာမျက်နှာမှာ ဖော်ပြထားပါတယ်။
ဗိဿနိုးမြို့ဟောင်းဟာ မကွေးတိုင်းဒေသကြီး၊ တောင်တွင်းကြီးမြို့ အနောက်ဘက် ၁၁ မိုင်လောက်မှာ တည်ရှိတဲ့ ပျူမြို့ဟောင်းတစ်ခုလည်းဖြစ်ပါတယ်။
ယင်းပျူမြို့ဟောင်းဟာ ကွင်းဆင်းသုတေသနပြုချက်တွေအရ မြို့ရိုးအပြင်ဘက်မှာ အရိုးအိုးမြှုပ်နှံတဲ့ အုတ်ကုန်းငယ်တွေကို တွေ့ရပြီး မြို့တွင်းမှာလည်း ပျူဒင်္ဂါးအနည်းငယ်ကို တွေ့ရှိခဲ့ရသလို ၁၉၅၉ ခုနှစ် ဇွန်လအတွင်း တူးဖော်မှုကိုစတင်ခဲ့ပြီး အုတ်ကုန်းပေါင် ၉ ခုကို ဖော်ထုတ်နိုင်ခဲ့တယ်လို့ သိရ၌ါတယ်။
