မအူပင်မြို့တွင် တရားခံသွားဖမ်းသည့် ကားမှောက်ပြီး ဒုစခန်းမှူး ဒဏ်ရာရ
DVB
·
January 28, 2022
ဧရာဝတီတိုင်း၊ မအူပင်မြို့မှာ ဇန်နဝါရီ ၂၆ ရက်နေ့က မြို့မရဲစခန်းကနေ တရားခံသွားဖမ်းတဲ့ ကားမှောက်ပြီး ဒုစခန်းမှ နံရိုးကျိုးကာ နယ်ထိန်းတဦး ဒဏ်ရာတွေရရှိခဲ့တယ်လို့ သိရပါတယ်။
မအူပင်မြို့မရဲစခန်းက ဒုစခန်းမှူး ရဲအုပ်ဝင်းမြင့်နဲ့ အမှတ် ၁ ရပ်ကွက်နယ်ထိန်းတို့ ကျုံးစုတ်ကျေးရွာဘတ် တရားခံသွားဖမ်းချိန်မှာ ကားတိမ်းမှောက်ခဲ့တာကြောင့် ဒဏ်ရာတွေရရှိခဲ့တာလို့ ဒေသခံတွေက ပြောပါတယ်။
“ကားကရဲကားမဟုတ်ဘူး၊ အိမ်စီးကားသေးသေးလေးနဲ့မှောက်တာ၊ သူတို့ဘာ သူတို့မှောက်တာ၊ ဒုစခန်းမှူးကတော့ နံရိုးတွေကျိုးသွားတယ်” လို့ ဒေသခံမျက်မြင်တဦးက ပြောပါတယ်။
တရားခံသွားဖမ်းချိန်မှာ အသုံးပြုခဲ့တဲ့ကားဟာ PDF လို့ စွပ်စွဲဖမ်းဆီးခံထားရသူရဲ့ ကားလည်းဖြစ်တယ်လို့ ဆိုပါတယ်။
မအူပင်မြို့မှာ ဇန်နဝါရီလထဲမှာပဲ တရားခံသွားဖမ်းချိန် ဓားနဲ့ပြန်ခုတ်တာခံရလို့ နယ်ထိန်းတဦး ဆေးရုံတင်ထားရသေးတယ်လို့ သိရပါတယ်။
