အောင်မြေသာစံ ရပ်ကွက်အုပ်ချုပ်ရေးမှူးရုံး ဗုံးပေါက်၊ ဒုအရာခံဗိုလ်တစ်ဦး ဒဏ်ရာရ
DVB
·
January 12, 2022
မန္တလေးမြို့ အောင်မြေသာစံမြို့နယ်၊ လမ်း ၈၀၊ ၉ လမ်းနဲ့ ၁၀ လမ်းကြားရှိ အမရဌာနီအနောက်ရပ်ကွက် အုပ်ချုပ်ရေးမှူးရုံးမှာ ဇန်နဝါရီ ၁၂ ရက် မနက် ၈ နာရီဝန်းကျင်က လက်လုပ်မိုင်းကွဲခဲ့ပါတယ်။
လုပ်မိုင်းတစ်လုံး ပေါက်ကွဲခဲ့မှုကြောင့် လုံခြုံရေးတာဝန်ကျ ဒုအရာခံဗိုလ်တဦး နဖူးပေါက်ပြဲဒဏ်ရာရရှိခဲ့ပြီး ရုံးအဆောက်အဦ အမိုးတချို့ ပျက်စီးသွားတယ်လို့ သိရပါတယ်။
ရပ်ကွက်နေပြည်သူတဦးက “မနက်က ဗုံးသံကြားလိုက်ရတာ အစက ရဲစခန်းမှာလို့ ထင်တာ။ နောက်မှ ရပ်ကွက်ရုံးမှာ ကွဲတာမှန်းသိတာ။ ရပ်ကွက်ရုံးနဲ့ အမှတ် ၄ ရဲစခန်းက နီးတယ်။ လုံခြုံရေး စစ်သားတယောက် နဖူးကွဲသွားတယ်” လို့ ပြောပါတယ်။
ဒါ့အပြင် မနက် ၁၀ နာရီလောက်ကလည်း မဟာအောင်မြေမြို့နယ်၊ သံလျက်မှော်အနောက်ရပ်ကွက် အုပ်ချုပ်ရေးရုံး လက်လုပ်ဗုံးနဲ့ ပစ်ခံရပြီး ပေါက်ကွဲမှုမဖြစ်ခဲ့ဘူးလို့ သိရပါတယ်။
