ဂျူဗင်တပ်ကွင်းလယ်လူ အာသာမယ်လို ကို ခေါ်ယူရန် အာဆင်နယ် ဆွေးနွေး
DVB
·
January 12, 2022
အာဆင်နယ်အသင်းဟာ ကွင်းလယ်မှာ လူအင်အားဖြည့်တင်းဖို့ စီစဉ်နေပြီး ဂျူဗင်တပ်ကွင်းလယ်လူ အာသာမယ်လိုကို ခေါ်ယူဖို့ဆွေးနွေးနေပါတယ်။
၂၀၂ဝ ပြည့်နှစ်က ဘာစီလိုနာကနေ ပြောင်းရွှေ့ လာတဲ့ ဘရာဇီးကွင်းလယ်လူ အာသာမယ်လိုဟာ အီတလီကလပ်မှာ ပုံမှန်ပွဲထွက်ခွင့်မရ ဖြစ်ခဲ့ပါတယ်။
အာဆင်နယ်အသင်းဟာ သောမက်စ်ပါတေးနဲ့ အယ်နန်နီတို့ နှစ်ဦးကို အာဖရိကဖလားယှဉ်ပြိုင်နေတဲ့ ဂါနာနဲ့ အီဂျစ်အသင်းထံ စေလွှတ်ပေးခဲ့ရတာကြောင့် ကွင်းလယ်လူတစ်ဦးခေါ်ယူဖို့ ချိတ်ဆက်နေတာပါ။
စကိုင်းစပေါ့အီတလီယာရဲ့ အဆိုအရတော့ အာဆင်နယ်ဟာ အာသာမယ်လိုအတွက် ဆွေးနွေးနေပြီး အငှားစာချုပ်နဲ့ဖြစ်တယ်လို့ ဖော်ပြပါတယ်။
လိုင်ယွန်က ဘရာဇီးကွင်းလယ်လူ ဘရူနိုဂွီမာရေးစ်ကိုလည်း ခေါ်ယူလိုပေမယ့် ပေါင် ၃၇ သန်းခွဲ သတ်မှတ်ထားတာကြောင့် ဘရာဇီးသား အာသာမယ်လိုကို အငှားနဲ့ခေါ်ယူဖို့ အာဆင်နယ်က ဆွေးနွေးခဲ့တာလို့ သိရပါတယ်။
