ဒဂုံမြို့သစ်အရှေ့ပိုင်း ဆေးရုံအနီးနှင့် မင်းရဲကျော်စွာလမ်းပေါ် ဗုံးပေါက်ကွဲ
DVB
·
January 9, 2022
ရန်ကုန်တိုင်းဒေသကြီး ဒဂုံမြို့သစ်အရှေ့ပိုင်း ပြည်သူ့ဆေးရုံကြီးရှေ့မှာ ဇန်နဝါရီ ၈ ရက် ည နေ ၆ နာရီခွဲလောက် ဗုံးပေါက်ကွဲမှု ဖြစ်ပွားခဲ့တယ်လို့ မြို့ခံတွေဆီက သိရပါတယ်။
“ညနေ ၆ နာရီ ခွဲလောက်က ဆေးရုံရှေ့မှာ ဗုံးပေါက်တာ၊ ထိခိုက်မှု မရှိဘူး” လို့ မြို့ခံတဦးက ပြောပါတယ်။
ဗုံးပေါက်ကွဲသံကြောင့် မင်းရဲကျော်စွာလမ်းပေါ် လုံခြုံရေးလှည့်ကင်းဆောင်ရွက်နေတဲ့ စစ်ကား လာရောက်စဥ် လှည့်ကင်းကားအနီး ထပ်မံဗုံးပေါက်ကွဲမှုဖြစ်ပွားပြီး ကားပေါ်က လုံခြုံရေးတပ်သား ၂ ဦး ဒဏ်ရာရရှိသွားတယ်လို့ မြို့ခံတွေက ပြောပါတယ်။
ဒဂုံမြို့သစ်အရှေ့ပိုင်းက အမှိုက်ပုံတခုမှာလည်း ဒီနေ့မနက် ၈ နာရီလောက်က ဗုံးပေါက်ကွဲမှု ဖြစ်ပြီး ၁ ဦးသေဆုံး ၁ ဦးဒဏ်ရာရတယ်လို့ ဆိုပါတယ်။
မနက်ပိုင်းကပေါက်ကွဲမှုကြောင့် စစ်ကောင်စီက လုံခြုံရေးပတ်ကင်းပြုလုပ်နေတဲ့ကြားက ညနေပိုင်းမှာ ထပ်မံ ပေါက်ကွဲမှုဖြစ်ပွားခဲ့တာပါ။
