မင်းလှမြို့နယ် ထန်းပင်ကုန်းရွာတွင် နေအိမ် ၁၂ လုံးမီးလောင်
DVB
·
December 18, 2021
ပဲခူးတိုင်းအနောက်ပိုင်း၊ မင်းလှမြို့နယ်၊ ထန်းပင်ကုန်း (တောင်ပိုင်း) ကျေးရွာမှာ ဒီဇင်ဘာ ၁၇ ရက်နေ့ ညနေ ၄ နာရီဝန်းကျင်က မီးလောင်မှုဖြစ်ပွားခဲ့ပြီး လူနေအိမ် ၁၂ လုံး ပျက်စီးဆုံးရှုံးခဲ့တယ်လို့ ဒေသခံတွေဆီက သိရပါတယ်။
“မင်းလှမီးသတ်စခန်းက မီးသတ်ယာဉ်တွေနဲ့ မီးသတ်ရဲဘော်တွေ မီးသတ်ခဲ့ရပါတယ်။ နေအိမ် ၁၂ လုံး မီးလောင်ပျက်စီးသွားပြီး ဆုံးရှုံးမှုတန်ဖိုးကိုတော့ မတွက်ရသေးဘူး။ မီးစလောင်တဲ့အိမ်က မိဘတွေမရှိတဲ့အချိန် အိမ်မှာကျန်ခဲ့တဲ့ ကလေးတွေ မီးမွှေးရင်း လောင်တာလို့ ကနဦးသတင်း ရထားပါတယ်” လို့ မင်းလှမြို့နယ်မီးသတ်စခန်းတာဝန်ရှိသူက ဖြေကြားထားပါတယ်။
မီးလောင်ကျွမ်းခံရတဲ့ နေအိမ်တွေက ပြည်သူတွေကို အခြေခံအသုံးအဆောင်တွေဖြစ်တဲ့ ဆန်၊ ဆီ နဲ့ အိမ်သုံးပစ္စည်းတွေ လိုအပ်နေတယ်လို့ ဒေသခံတွေဆီကသိရပါတယ်။
