အရာတော်မြို့နယ် စာသင်ကျောင်းနှင့် နေအိမ်အချို့ကို စစ်ကောင်စီတပ်က ဖျက်ဆီး
DVB
·
December 5, 2021
အရာတော်မြို့နယ် ဝါးတန်းအုပ်စု၊ ကံဇွယ်ကျေးရွာက စာသင်ကျောင်းနဲ့ လူနေအိမ်အချို့ကို စစ်ကောင်စီတပ်က ဒီဇက်ဘာ ၄ ရက်နေ့မှာ ဖျက်ဆီးခဲ့ကြတယ်လို့ ဒေသခံတွေဆီက သိရပါတယ်။
စစ်ကောင်စီတပ်သား ၅၀ လောက် ဝါးတန်းအုပ်စု ကံဇွယ်ကျေးရွာကို ဝင်ရောက်မွှေနှောက်ရှာဖွေတာတွေ ပြုလုပ်သွားတာလို့ ရွာသားတစ်ဦးက ပြောပါတယ်။
“ကျောင်းထဲက အခန်းတံခါးတွေ ဖျက်စီးရိုက်ခွဲသွားတယ်။ ကျောင်းထဲမှာလည်း အရက်၊ဘီယာတွေသောက်တယ်။ ရုံးခန်းထဲက စာရွတ်စာတမ်းတွေ အကုန်ဖျက်ဆီးတာတွေ လုပ်သွားတယ်” လို့ ပြောပါတယ်။
စစ်ကောင်စီတပ်ဟာ ကံဇွယ်ကျေးရွာ မူလတန်းကျောင်းထဲ တပ်စွဲ ညအိပ်စခန်းချသွားပြီး ကျေးရွာအတွင်းက ကြက်၊ ဆိတ် စတာတွေ သတ်ဖြတ်စားသောက်ပြီး ကျေးရွာအတွင်းက ဈေးဆိုင်တွေက ပစ္စည်းတွေယူဆောင်ခဲ့ကြပြီး အရက်ဘီယာတွေ သောက်သုံးကြတာလို့ ဒေသခံတွေက ပြောပါတယ်။
