မန္တလေး - ပြင်ဦးလွင် ရထားလမ်းအနီး ဗုံးပေါက်ကွဲပြီး လူ ၁ ဦး သေဆုံး
DVB
·
December 4, 2021
မန္တလေးမြို့၊ ချမ်းမြသာစည်မြို့နယ်၊ ကန်သာယာရပ်ကွက်၊ ၅၈ လမ်းနဲ့ ၅၉ လမ်းကြား ၁၁၄ လမ်း နဲ့ ၁၁၅ လမ်းကြားရှိ မန္တလေး-ပြင်ဦးလွင် မီးရထားလမ်းဘေးမှာ ဒီဇင်ဘာလ ၄ ရက် မနက် ၅ နာရီကျော်လောက်က ဗုံးပေါက်ကွဲမှု ဖြစ်ခဲ့ပါတယ်။
ဗုံးပေါက်ကွဲမှုဖြစ်တဲ့အနီးမှာ အမည်မသိ အမျိုးသားတယောက် မိုင်းစထိမှန် သေဆုံးတာကို တွေ့ရှိရတယ်လို့ ရပ်ကွက်နေပြည်သူ တချို့ကပြောပါတယ်။
ဒါ့အပြင် ပြည်ကြီးတံခွန်မြို့နယ်မှာလည်း ဒီဇင်ဘာလ ၄ ရက် မနက် ၆ နာရီကျော်လောက်က မန္တလေး-ပြင်ဦးလွင် ရထားလမ်း ဗုံးကွဲခဲ့ပြီး သံလမ်းတောင်ဘက်ခြမ်း ၂ ပေလောက် ပျက်စီးသွားပါတယ်။
