မကွေးတိုင်းဒေသကြီး သရက်ခရိုင် ကံမမြို့နယ်အတွင်း ကျေးရွာတွေမှာ စစ်ကောင်စီက ခိုင်းလို့ဆိုပြီး ကျေးရွာအုပ်ချုပ်ရေးမှူးတွေက တပ်သားသစ် အတင်းအကျပ် စုဆောင်းနေတယ်လို့ သေခံတွေက ပြောပါတယ်။
ပြီးခဲ့တဲ့ရက်သတ္တပတ်ကစပြီး တချို့ကျေးရွာတွေက အုပ်ချုပ်ရေးမှူးတွေက ထောက်ပို့အတွက် ပြောပြီး လူစုစာရင်းကောက်တာတွေ ပြုလုပ်နေကြတယ်လို့ ဆိုပါတယ်။
ရွာရဲ့ လူဦးရေအပေါ်မူတည်ပြီး တရွာကို ၅ ယောက်ကနေ အယောက် ၂၀ အထိ လိုက်ရမယ်ဆိုပြီး ဖိအားပေးခြိမ်းခြောက် အကျပ်ကိုင်နေတယ်လို့ အမည်မဖော်လိုသူ ရွာသားတယောက်က ပြောပါတယ်။
“သူတိုက ထောက်ပို့အတွက်သုံးဖို့လို့ပြောတယ်၊ တကယ်က တပ်သားအသစ်စုဆောင်းတာ၊ လူသားဒိုင်းဖြစ်သွားနိုင်တယ်။ ဘယ်သူမှမလိုက်ချင်ကြလို့ အုပ်မှူးတွေ အကြပ်ရိုက်နေပြီ။ တပ်ထောက်ခံတဲ့ကောင်တွေလည်း မလိုက်ကြဘူးဗျ။"
ကျောက်ပန်းတောင်း ရွာဘက် မနေ့က အစည်းအဝေးခေါ်ပြီး လိုက်ချင်တဲ့သူ မရှိတဲ့အတွက် မဲနှိုက်ခိုင်းတယ်လို့ ဆိုပါတယ်။
“မဲမနှိုက်ပဲ ပြန်လာကြတယ်ကြားတယ်။ အချို့ရွာတွေက လူစာရင်းပါ ပေးပြီးသွားပြီလို့ ကြားထားတယ်။ ကြောက်တတ်တဲ့ အုပ်ကြီးတွေကတော့ နောက်ရက်မှ သူများနောက်က လိုက်လုပ်လိမ့်မယ်။ စစ်ကောင်စီက ကောက်ခိုင်တာလား စာပြဆိုတော့ ဒါက လှိူ့၀ှက်အမိန့်ဖြစ်လို့ စာပြစရာမလိုဘူး ပြောတယ်။”
ပြီးခဲ့တဲ့ရက်ကလည်း မကွေးတိုင်း တောင်တွင်းကြီးမြို့နယ်ထဲမှာ အခုလို တရွာကို လူ ၅ ယောက်နှုန်း တပ်သားသစ်စုဆောင်းခဲ့တယ်လို့ ဒေသခံတွေဆီက သိရပါတယ်။
