မန္တလေး ကျောက်ဝိုင်းအနီးတွင် ဗုံးနှစ်လုံး ပေါက်ကွဲ
DVB
·
November 28, 2021
မန္တလေးမြို့၊ မဟာအောင်မြေမြို့နယ်၊ မဟာအောင်မြေ ကျောက်မျက်ရတနာရောင်းဝယ်ရေးစခန်း (ကျောက်ဝိုင်း) အနောက်ပေါက်မှာ နိုဝင်ဘာ ၂၈ ရက် မနက် ၇ နာရီဝန်းကျင်အချိန်က ဗုံးနှစ်လုံး ပေါက်ကွဲမှု ဖြစ်ခဲ့ပါတယ်။
ဆိုင်ကယ်စီး လူနှစ်ယောက်က ကျောက်ဝိုင်းအတွင်း ဗုံးပစ်ရာ ကျောက်ဝိုင်းအနောက်ပေါက် ဆိုင်းဘုတ်အနီးကျပြီး ပေါက်ကွဲတာ ဖြစ်ပါတယ်။ တစ်လုံးပေါက်ကွဲပြီး မကြာခင်မှာပဲ နောက်ထပ် ဗုံးးတစ်လုံး ထပ်ပေါက်ကွဲခဲ့တယ်လို့ သိရပါတယ်။
“တစ်လုံးက ကျောက်ဝိုင်းအနောက် ဆိုင်းဘုတ်နား ကွဲတာ။ မကြာဘူး နောက်တစ်လုံး ကွဲတယ်။ ထိခိုက်ဒဏ်ရာရတာတော့ မရှိဘူး” လို့ အနီးပတ်ဝန်းကျင်ရှိ ပြည်သူတစ်ဦးက ပြောပါတယ်။
နိုဝင်ဘာလ ၄ ရက်နေ့ကလည်း ကျောက်ဝိုင်းအနောက်ပေါက်မှာ ဗုံးပေါက်ကွဲမှုကြောင့် အနီးအနားရှိ ရဲတပ်ကြပ်တဦး သေဆုံးခဲ့ပြီး ဒုရဲအုပ်တဦး ဒဏ်ရာရှိခဲ့ပါတယ်။
