မြန်မာပလာဇာအနီး ၂ လုံးဆင့် ပေါက်ကွဲ
DVB
·
November 14, 2021
နိုဝင်ဘာ ၁၄ရက်နေ့က မြန်မာပလာဇာအနီး ကန်ဘောင်ဘက်ခြမ်းမှာ ညနေ ၄:၁၅ လောက်က ဗုံး ၂ လုံးဆင့် ပေါက်ကွဲခဲ့တယ်လို့ ဒေသခံတွေဆီက သိရပါတယ်။
“Melia ဟိုတယ် တစ်ဖက်ခြမ်းလောက်ကျမယ်။ မှတ်တိုင်နားလေးပေါ့။ ၂ ချက် ဆက်တိုက်ပေါက်တာ။ ဟိုတယ်ဘက်ခြမ်း မှန်အနည်းငယ် အက်ကွဲသွားတယ်လို့ ကြားတယ်။ လူအထိအခိုက်တော့ မသိရသေးဘူး။” လို့ မျက်မြင်တစ်ဦးက ပြောပါတယ်။
ဗုံးပေါက်ကွဲပြီးနောက် စစ်သားတွေ ရောက်ရှိလာပြီး လမ်းတချို့ ပိတ်ထားပြီး စစ်ဆေးနေတယ်လို့ ဒေသခံတစ်ဦးက ပြောပါတယ်။
“လမ်းနီကန်ဘောင် တံတားဘက်လမ်းပိတ်လိုက်တယ်။ တက္ကသိုလ်ရိပ်သာလမ်း အင်းယားမြိုင်ထိပ်မှာတော့ စစ်ဆေးတာ လုပ်နေတယ်” လို့ ပြောပါတယ်။
