ရန်ကုန်တိုင်းထဲက မြို့နယ် ၉ ခုမှာ လာမယ့် နိုဝင်ဘာ ၁၄ ရက်မှ ၁၆ ရက် အထိ ရေ ၂ ရက်နီးပါး ပြတ်တောက်နိုင်တာမို့ ရေကြိုတင်စုဆောင်းထားကြဖို့ ရန်ကုန်မြို့တော် စည်ပင်သာယာရေးကော်မတီက အသိပေးကြေညာထားပါတယ်။
ရန်ကုန်မြို့တော်စည်ပင် သာယာရေးကော်မတီ၊ အင်ဂျင်နီယာဌာန(ရေနှင့် သန့်ရှင်းမှု) လက်အောက်က ငမိုးရိပ်ရေသန့်စင်စက်ရုံ(ညောင်နှစ်ပင်)ကနေ ရန်ကုန်မြို့တွင်းမြို့နယ်တွေကို ရေပေးဝေနေတာဖြစ်ပြီး လတ်တလောမှာတော့ ဒုတိယအဆင့် ရေတွန်းစက်ရုံက ရေတွန်းစက်တွေရပ်ကာ ပြုပြင်စရာတွေ ရှိနေတယ်လို့ ဆိုပါတယ်။
ဒီပြုပြင်မှုဟာ ခန့်မှန်းခြေ နာရီ ၄၀ လောက် ကြာနိုင်တာမို့ အဆိုပါ ရေသန့်စင်စက်ရုံက နေ ရေပေးဝေနေတဲ့ မြောက်ဉက္ကလာ၊ ရွှေပေါက္ကံ၊ တောင်ဉက္ကလာ၊ သင်္ဃန်းကျွန်း၊ ဒဂုံမြို့ သစ်(မြောက်ပိုင်း)၊ ဒဂုံမြို့ သစ်(အရှေ့ပိုင်း)၊ ဒေါပုံ၊ တာမွေ(မေတ္တာညွန့်ရပ်ကွက်)မြို့နယ်၊ မင်္ဂလာဒုံမြို့နယ်တွေက ရပ်ကွက်တွေမှာ ရေအားလျော့နည်းတာ၊ ခေတ္တရေအားပြတ် တောက်တာတွေ ဖြစ်ပေါ်လာနိုင်တယ်လို့ အသိပေးထားတာ ဖြစ်ပါတယ်။
Photo-YCDCWS
