Homeမြန်မာသတင်း
ကလေးမြို့ကို စစ်ကောင်စီတပ်များက သံချပ်ကာကားများအပါအဝင် အင်အားအလုံးအရင်းဖြင့် ဝင်ရောက်လာ
ကလေးမြို့ကို စစ်ကောင်စီတပ်များက သံချပ်ကာကားများအပါအဝင် အင်အားအလုံးအရင်းဖြင့် ဝင်ရောက်လာ
DVB
·
October 8, 2021
စစ်ကိုင်းတိုင်း၊ ကလေးမြို့ကို အောက်တိုဘာ ၈ ရက် မနက်ပိုင်းမှာ စစ်ကောင်စီလက်နက်ကိုင်တပ်တွေ သံချပ်ကာကား ၂ စီး၊ စစ်ကားအစီး ၄၀ အတူ အင်အား အလုံးအရင်းနဲ့ ဝင်ရောက်လာတယ်လို့ မြို့ခံတွေက ပြောပါတယ်။
“အခုကျနော်တို့ ကလေးမြို့မှာ စစ်ကား အစီး ၄၀ နဲ့ သံချပ်ကာကား ၂ စီး ဒီမနက် ပိုင်းကရောက်လာတယ်။ အခုကစစ်အင်အားဖြည့်တင်ပြီးစစ်ဆင်ရေးလုပ်တော့မယ်ထင်တယ်”လို့ ဒေသခံတစ်ယောက်က ပြောပါတယ်။
အခုလိုစစ်ကောင်စီတပ်တွေ အင်အားဖြည့်တင်းလာတဲ့အတွက် မြို့သူမြို့သားတွေအတွက် စိုးရိမ်ရတယ်လို့လည်း ဒေသခံက ပြောပါတယ်။
စစ်ကိုင်းတိုင်းဒေသကြီးအတွင်းက မြို့နယ်တွေ၊ ကျေးရွာတွေမှာ စစ်ကောင်စီတပ်တွေက အင်အားအလုံးအရင်းနဲ့ စစ်ဆင်နေတာဖြစ်ပြီး ကလေးမြို့မှာလည်း ဒေသခံ PDFတွေနဲ့ စစ်ကောင်စီတပ်တွေ တိုက်ပွဲမကြာခဏဖြစ်ပွားခဲ့ပါတယ်။
