မွန်ပြည်နယ်၊ သိမ်ဇရပ်မြို့၊ ဝါးဒတ်ကွင်းကျေးရွာ (ဓမ္မဒူတဘုရားအနီး) က Mytel တာဝါတိုင် အောက်တိုဘာ ၄ ရက်နေ့ ည ၇ နာရီအချိန်လောက် ဖောက်ခွဲဖျက်ဆီးခံလိုက်ရပါတယ်။
အဲဒီ Mytel တာဝါတိုင် ဖောက်ခွဲဖျက်ဆီးတာ သူတို့ လက်ချက်ဖြစ်တယ်လို့ သိမ်ဇရပ်မြို့ ပြည်သူ့ကာကွယ်ရေးတပ်ဖွဲ့ PDF က ထုတ်ပြန်ပါတယ်။
တာဝါတိုင် ဖောက်ခွဲဖျက်ဆီးခံရပြီးနောက် တာဝါတိုင် ပြိုကျပျက်စီးတာ မရှိပေမယ့် မီးစက်အပါအဝင် ဆက်သွယ်ရေး စက်ပစ္စည်းတွေအားလုံး ထိခိုက်ပျက်စီးသွားခဲ့တယ်လို့ ဆိုပါတယ်။
တာဝါတိုင် ဖောက်ခွဲဖျက်ဆီးခံရပြီးနောက် စစ်ကောင်စီတပ်ဖွဲ့တွေ လာရောက်စစ်ဆေးတာတွေ လုပ်ဆောင်သွားတယ်လို့ ဒေသခံတွေက ပြောပါတယ်။
သိမ်ဇရပ် PDF အဖွဲ့က ပြည်သူတွေ မျှော်လင့်နေတဲ့ စစ်အာဏာရှင် စနစ် မပျက်သုဉ်းမချင်း အသက်နဲ့ ခန္ဓာကိုယ် ပေးဆပ်ပြီး တိုက်ပွဲဝင်သွားမယ်လို့ ထုတ်ပြန်ထားပါတယ်။
မွန်ပြည်နယ်မှာတော့ စစ်တပ် အာဏာသိမ်းပြီးနောက် ဒီနေ့အချိန်ထိ Mytel တာဝါတိုင် ၈ တိုင် ဖောက်ခွဲဖျက်ဆီးခံထားရပါတယ်။
