မြဝတီမြို့တွင် သောင်ရင်းမြစ်ရေကြီးပြီး ဒေသခံအချို့ ရွှေ့ပြောင်း
DVB
·
September 27, 2021
မြန်မာ-ထိုင်းနယ်စပ် ကရင်ပြည်နယ်၊ မြဝတီမြို့မှာ ခုရက်ပိုင်း မိုးသည်းထန်စွာရွာသွန်းပြီးနောက် စက်တင်ဘာ ၂၆ ရက်ညကစတင်ပြီး သောင်ရင်းမြစ်ရေကြီးလာတဲ့အတွက် မြေနိမ့်ပိုင်းမှာ နေထိုင်တဲ့ ဒေသခံတွေ ရေးဘေးဒုက္ခနဲ့ ကြုံတွေ့နေကြရပါတယ်။
မြဝတီမြို့မှာ ရပ်ကွက် ၇ ခုရှိတဲ့အထဲ ရပ်ကွက် ၂ ၊ ရပ်ကွက် ၁ နဲ့ ရပ်ကွက် ၅ တို့မှာ မြေနိမ့်ပိုင်း ဖြစ်တဲ့အတွက် မြစ်ကမ်းစပ်မှာ နေထိုင်သူတွေ ဒီနေ့မနက်က ရေဘေးသင့်ရာကို ရွှေ့ပြောင်း တိမ်းရှောင်ရပါတယ်။
ရေဘေးသင့်ပြည်သူတွေကို မြန်မာနိုင်ငံလူမှုကယ်ဆယ်ရေးအဖွဲ့ချုပ်က လှေနဲ့ နေရာတွေ ရွှေ့ပြောင်းပေးထားပြီး ဘုန်ကြီးကျောင်းတွေမှာ ယာယီခိုလှုံနေတဲ့ ရေဘေးသင့်သူတွေအတွက် စေတနာရှင်တွေက လှူဒါန်းကျွေးမွေးနေကြပါတယ်။
မြဝတီမြို့မှာ ၂၀၂၁ ခုနှစ်အတွင်း သောင်ရင်းမြစ်ရေကြီးပြီး မြို့ခံတွေ ရေးဘေးသင့်မှုနဲ့ ကြုံရတာ နှစ်ကြိမ်ရှိသွားပြီ ဖြစ်ပါတယ်။
