မန္တလေးမြို့ ချမ်းမြသာစည်မြို့နယ် ကန်သာယာရပ်ကွက်၊ ၅၉ လမ်း နဲ့ ၁၁၄ လမ်း အနီးမှာ စက်တင်ဘာလ ၂၆ ရက် ညနေ ၆ နာရီခွဲအချိန်လောက် အကွက်မှူးတစ်ဦး သေနတ်နဲ့ ပစ်ခံခဲ့ရတယ်လို့ သိရပါတယ်။

ကန်သာယာရပ်ကွက်က အကွက်မှူး ဦးကျော်ကျော်မင်းဟာ ဆေးခန်းကအပြန်မှာ သေနတ်နဲ့ ပစ်ခံရတာဖြစ်ပြီး စိုးရိမ်ဒဏ်ရာရရှိကာ မန္တလေးဆေးရုံကြီးကို တင်ပို့လိုက်ရတယ်လို့ သိရပါတယ်။

ကန်သာယာရပ်ကွက်နေပြည်သူတစ်ဦးက “အခု ပစ်ခံရတဲ့ အကွက်မှူးက စစ်ကောင်စီ သတင်းပေးဆိုပြီး ရပ်ကွက်ထဲ သိရတယ်။ အခုပစ်ခံရတော့ ဆေးရုံတင်တာ ဆေးရုံမှာ သေတယ်ဆိုပြီး ကြားတယ်။” လို့ ပြောပါတယ်။

ကန်သာယာရပ်ကွက်က အကွက်မှူး ဦးကျော်ကျော်မင်း သေနတ်နဲ့ပစ်ခံရပြီးအကြာခင်မှာ ၁၁၄ လမ်းတစ်လျှောက် အိမ်စီးကားတွေ အရပ်ဝတ်တွေနဲ့ စစ်ကောင်စီတပ်သားတွေ စစ်ဆေးနေတာတွေ လုပ်ခဲ့တယ်လို့ သိရပါတယ်။