ပညာရေးသပိတ်စစ်ကြောင်းများ ဦးဆောင်ခဲ့သူ ဆရာစိုးသူရကျော် ဖမ်းဆီးခံရ
DVB
·
September 25, 2021
စစ်အာဏာရှင်စနစ်ဆန့်ကျင်ရေး ပညာရေးသပိတ်စစ်ကြောင်းတွေကို ဦးဆောင်ခဲ့သူ ရန်ကုန်ပညာရေးတက္ကသိုလ် ကျောင်းသားများသမဂ္ဂ (ဗကသများအဖွဲ့ချုပ်) ဥက္ကဋ္ဌဟောင်း ဆရာ စိုးသူရကျော်ဟာ မနေ့ နေ့လယ်ပိုင်းက ဖမ်းဆီးခံလိုက်ရပါတယ်။
သူဟာ လက်ရှိမှာ အခြေခံပညာ ပညာရေးဝန်ထမ်းများ အထွေထွေသပိတ်ကော်မတီရဲ့ အလုပ်အမှုဆောင်ကော်မတီဝင်အဖြစ် တာဝန်ထမ်းဆောင်နေပါတယ်။
ဆရာ ဦးစိုးသူရကျော် (ကဗျာဆရာ သာသျှား)ဟာ စက်တင်ဘာ ၂၄ ရက်နေ့ နေ့လယ်ပိုင်းက ခရီးသွားနေတုန်း စစ်ဆေးဖမ်းဆီးခံရတာလို့ ကနဦးသိရပြီး ဘယ်ကိုခေါ်သွားတယ်လို့ မသိရကြောင်း အခြေခံပညာ ပညာရေးဝန်ထမ်းများ အထွေထွေသပိတ်ကော်မတီက ထုတ်ပြန်ပါတယ်။
