မကွေးတိုင်း၊ ဂန့်ဂေါမြို့နယ်မှာ ပျူစောထီးတွေ သိုလှောင်ထားတဲ့ ဖောက်ခွဲရေးပစ္စည်းတွေနဲ့ ရာဘာကျည်ဆန်တွေကို သိမ်းဆည်းရမိတယ်လို့  ယောဒေသပြည်သူ့ကာကွယ်ရေးတပ်ဖွဲ့  (YDF)က စက်တင်ဘာလ ၁၄ ရက် မနက်ပိုင်းမှာ ထုတ်ပြန်ပါတယ်။

YDF တပ်ဖွဲ့ဝင်တွေဟာ စက်တင်ဘာ ၁၂ ရက်နေ့ မနက်အစောပိုင်းမှာ မင်းရွာရဲစခန်းကို ဝင်ရောက်တိုက်ခိုက်ရာမှာ အကြမ်းဖက်စစ်အုပ်စုဘက်က စစ်ကူတွေရောက်လာ လို့ ပြန်လည်ဆုတ်ခွာစဉ် ခေါက်ကူရွာနားက ပျူစောထီးတွေဝှက်ထားတဲ့  ဖောက်ခွဲရေးပစ္စည်း ကျပ် သိန်း ၇ဝ ဖိုးလောက် သိမ်းဆည်းရရှိခဲ့တာလို့ ဆိုပါတယ်။

အဲဒီ မင်းရွာရဲစခန်းကို ယောဒေသပြည်သူ့ကာကွယ်ရေးတပ်ဖွဲ့ YDF နဲ့ မင်းတပ် CDF တို့ပူးပေါင်းတိုက်ခိုက်ရာမှာ စစ်ကောင်စီရဲ့ ရဲတပ်ဖွဲ့ဝင် ၃၅ ယောက်သေဆုံးခဲ့တယ်လို့ စက်တင်ဘာ ၁၂ ရက်နေ့မှာ YDF တပ်ဖွဲ့က ထုတ်ပြန်ထားပါတယ်။