ယာဉ်ထိန်းရဲချင်း ခိုက်ရန်ဖြစ်၊ ဝင်ဖျန်ဖြေသည့် ယာဉ်ထိန်းရဲ ပစ်ခတ်ခံရပြီး သေဆုံး
DVB
·
September 6, 2021
ရှမ်းပြည်နယ်မြောက်ပိုင်း လောက်ကိုင်မြို့မှာ စက်တင်ဘာ ၅ ရက်ညက ယာဥ်ထိန်းရဲတပ်ဖွဲ့ဝင်ချင်း ခိုက်ရန်ဖြစ်ပွားရာ ဝင်ရောက်ဖျန်ဖြေသူ ယာဥ်ထိန်းရဲတစ်ဦး သေနတ်မှန် သေဆုံးသွားတယ်လို့ ဒေသခံတွေဆီက သိရပါတယ်။
သေဆုံးသူဟာ ယာဉ်ထိန်းရဲတပ်ဖွဲ့က အသက် ၄၀ အရွယ် ဦးလှမင်းအောင် ဖြစ်ကာ သေနတ်နဲ့ ပစ်ခတ်သူမှာလည်း ယာဉ်ထိန်းရဲပင်ဖြစ်ပြီး လက်ရှိမှာ ဖမ်းဆီးထိန်းသိမ်းခံထားရတယ်လို့ ဒေသခံတဦးက ပြောပါတယ်။
သေဆုံးသူကို ဂရုဏာဟဒယလူမှုကူညီရေးအသင်းအကူအညီနဲ့ မီးရှို့သင်္ဂြိုဟ်လိုက်တယ်လို့ ဆိုပါတယ်။
