ကလေးမြို့နယ်၌ တိုက်ပွဲဖြစ်ပြီး အကြမ်းဖက် စစ်ကောင်စီတပ်သား ၈ ဦး သေဆုံး
DVB
·
September 4, 2021
စစ်ကိုင်းတိုင်း၊ ကလေးမြို့နယ်တောင်ပိုင်း ရေရှင်ရွာနဲ့ အင်းကျွန်းရွာအနီး စက်တင်ဘာ ၄ ရက် ဒီနေ့မနက် ၉ နာရီလောက်က ကလေးPDFနဲ့ အကြမ်းဖက်စစ်ကောင်စီတပ် အပြန်လှန်ပစ်ခတ်မှု ဖြစ်ပွားခဲ့ပါတယ်။
ကလေး PDF တပ်ဖွဲ့ တာဝန်ရှိသူ တစ်ဦးက “တိုက်ပွဲမှာ စစ်ကောင်စီဘက်က ၈ ဦး သေဆုံးတယ်။ ကျနော်တို့ PDF ဘက်က ၃ ဦး လက်နက်ကြီး ထိမှန်ခဲ့တယ်။ ဒဏ်ရာက မစိုးရိမ်ရပါဘူး။ တိုက်ပွဲဖြစ်ပွားချိန် ၂ နာရီလောက်ကြာတယ်” လို့ ပြောပါတယ်။
မနေ့ကလည်း ကလေး PDF တွေနဲ့ စစ်ကောင်စီတပ်တွေ တိုက်ပွဲဖြစ်ပွားခဲ့ပြီး PDF တပ်ဖွဲ့ဝင် ၂ ဦးဒဏ်ရာရရှိခဲ့ပြီး စစ်ကောင်စီတပ်ဘက်က အများအပြားထိခိုက်နိုင်တယ်လို့ ကလေး PDF က ထုတ်ပြန်ထားပါတယ်။
