ဝမ်းတွင်းမြို့နယ် ကျေးရွာတချို့ ရေဘေးကြုံနေရ
DVB
·
August 31, 2021
မန္တလေးတိုင်း၊ ဝမ်းတွင်းမြို့နယ်ရှိ ကျေးရွာတချို့ ချောင်းရေဝင်ရောက်ခဲ့တဲ့အတွက် သြဂုတ် ၃၁ ရက် မနက်အစောပိုင်း ၁ နာရီလောက်က ဒေသခံ ရွာသားတွေ ရေဘေးလွတ်ရာ ပြောင်းရွှေ့ခဲ့ရတယ်လို့ ဝမ်းတွင်းမြို့နယ် မီးသတ်တပ်ဖွဲ့ကနေ သိရပါတယ်။
မိုးသည်းထန်စွာသွန်းမှုကြောင့် ဝမ်းတွင်းမြို့နယ်အတွင်းရှိ လျှော်ပင်ချောင်းရေ မြင့်တက်ခဲ့ရာ ရွာတန်းကျေးရွာအုပ်စု၊ လျှော်ပင်ကျေးရွာတွေကို ချောင်းရေဝင်ရောက်ခဲ့ပါတယ်။
ချောင်းဘေးအနိမ့်ပိုင်းရှိ နေအိမ်တွေ ချောင်းရေဝင်ရောက်ခဲ့တာကြောင့် မိတ္ထီလာခရိုင် မီးသတ်စခန်းနဲ့ ဝမ်းတွင်းမြို့နယ်မီးသတ်စခန်းတို့မှ ဒေသခံပြည်သူတွေကို ရေဘေးလွတ်ရာ လျှော်ပင်(အ.ထ.က)ခွဲ စာသင်ကျောင်းသို့ ကူညီရွှေ့ပြောင်းပေးခဲ့တယ်လို့ သိရပါတယ်။
