ပေါက်မြို့နယ်တွင် စစ်ကောင်စီတပ် ဆွဲမိုင်းမိသဖြင့် ၇ ဦးသေပြီး အများအပြားဒဏ်ရာရ
DVB
·
August 30, 2021
ပေါက်မြို့နယ်အတွင်းက ပင်တောင်ကျေးရွာနဲ့ ဝန်ခြုံးကျေးရွာကြားမှာ ထိုးစစ်ဆင်ဖို့ ရောက်ရှိလာကြတဲ့ စစ်ကောင်စီတပ်ဖွဲ့ဝင်တွေ ဆွဲမိုင်းမိလို့ ၇ ဦးသေဆုံးပြီး အများအပြားဒဏ်ရာရရှိသွားကြတယ်လို့ ဒေသခံတွေဆီက သိရပါတယ်။
ဒေသခံတဦးက ''ညနေ ၃ နာရီလောက်မှာ ဆွဲမိုင်းမိတာတဲ့။ အလောင်းတွေနဲ့ ဒဏ်ရာရသူတွေကို ထော်လာဂျီနဲ့တင်ပြီး သယ်သွားတာမြင်တယ်'' လို့ ပြောပါတယ်။
က.ပ.စ (ဆိပ်ဖြူ) နဲ့ က.ပ.စ (ပေါက်) က စစ်ကောင်စီတပ်ဖွဲ့ဝင် ၄၀ ဝန်းကျင်လောက် လောင်ချာ၊ အာပီဂျီစတဲ့ လက်နှက်ကြီးတွေနဲ့ ထိုးစစ်ဆင်ဖို့ရောက်ရှိလာကြတာလို့ ဒေသခံတွေဆီက သိရပါတယ်။
အခုဖြစ်စဉ်ကို ပေါက်-ပြည်သူ့ကာကွယ်ရေးတပ်ဖွဲ့ (PPDF)က ပြုလုပ်ခဲ့တာဖြစ်ကြောင်း အဖွဲ့ရဲ့ ပြန်ကြားရေးတာဝန်ခံဆီက သိရပါတယ်။
ဒီဖြစ်စဉ်နဲ့ပတ်သက်ပြီး စစ်ကောင်စီဘက်ကတော့ သတင်းထုတ်ပြန်တာမရှိသေးပါဘူး။
