မြောင်မြို့နယ် အန်အယ်လ်ဒီအလုပ်မှုဆောင် ၁ ဦးနှင့် ကျူရှင်ဆရာ ၁ ဦး ဖမ်းဆီးခံရ
DVB
·
August 30, 2021
စစ်ကိုင်းတိုင်း၊ မြောင်မြို့နယ်မှာ အန်အယ်လ်ဒီအလုပ်မှုဆောင် တစ်ဦးနဲ့ ကျူရှင်ဆရာတစ်ဦးတို့ကို သြဂုတ် ၃၀ ရက်က စစ်ကောင်စီတပ်တွေက ဖမ်းဆီးသွားခဲ့တယ်လို့ ဒေသခံ တစ်ဦးက ပြောပါတယ်။
ကိုရဲရင့်အောင်က မြောင်မြို့နယ် ကူးတို့ကုန်းကျေးရွာမှာ နေထိုင်သူဖြစ်ပြီး အခုနေ့လယ် ၂ နာရီလောက်မှာ စစ်ကောင်စီတပ်တွေက သူ့နေအိမ်မှာ လာရောက်ဖမ်းဆီးသွားတာပါ။
ကိုရဲရင့်အောင်ရဲ့ သူငယ်ချင်းက “မြောင်မြို့နယ် အန်အယ်လ်ဒီ အမတ်ဒေါ်အိမြတ်မွန်ရဲ့ ရွေး ကောက်ပွဲကိုယ်စားလုပ်ခဲ့တယ်။ သူကရှောင်နေတာကြာပြီ။ အခုက ကူးတို့ကုန်းကျေးရွာက ကျူရှင်ဆရာကိုမျိုးသိန်းကို အရင်ဖမ်းတယ်။ အဲဒါပြီးတော့ ကိုရဲရင့်အောင်ကို ဝင်ရောက်ဖမ်းဆီးသွားတယ်”လို့ ပြောပါတယ်။
ကိုရဲရင့်အောင်နဲ့ ကျူရှင်ဆရာ ကိုမျိုးသိန်းတို့ကို စစ်ကောင်စီက ဘာအတွက် ဖမ်းဆီးသွားတယ်၊ ဘယ်မှာ ဖမ်းဆီးထားတယ်ဆိုတာ မသိရှိရသေးပါဘူး။
