စစ်ကိုင်းတိုင်း ယင်းမာပင်ခရိုင် ယင်းမာပင်နဲ့ ပုလဲမြို့နယ်ကြားတစ်​နေရာမှာ သြဂုတ် ၂၇ ရက် မနက်ပိုင်းက စစ်​​ကောင်စီတပ်ဖွဲ့နဲ့ ​ဒေသခံ PDF ​တွေ တိုက်ပွဲအတွင်း စစ်​သား ၅ ဦးထက်မနည်း သေဆုံးတယ်လို့ ​ဒေသခံ PDF အဖွဲ့ဝင်တစ်​ဦးက ​ပြောပါတယ်။

"ကြိုပင်ရွာရဲ့အ​နောက်ဘက်မှာ ကျ​နော်တို့ PDF အဖွဲ့က မိုင်းဆွဲတိုက်ခိုက်ခဲ့တာ။ အဲဒီ​နောက် တိုက်ပွဲ ၁၅ မိနစ်​လောက်ဖြစ်ခဲ့တယ်။ စစ်​​ကောင်စီဘက်က ၅ ဦးထက်မနည်း ကျဆုံးတာက​တော့ ကျ​နော်တို့ အတည်ပြုလို့ရတယ်။ ၇ ဦး ကျဆုံးတယ်ဆိုတာက​တော့ ကျ​နော်တို့ အတည်မပြုနိုင်ဘူး။ အနီးနားမှာရှိတဲ့ တဲ ၃ လုံး မီးရှို့တာကလည်း ကျဆုံးသွားတဲ့ စစ်​ကောင်စီတပ်သား​တွေရဲ့ အ​လောင်း​တွေကို မီးတင်ရှို့လိုက်ကြတာလို့ သိရတယ်။ ကျ​နော်တို့ PDF အဖွဲ့က​တော့ ထိခိုက်ဒဏ်ရာရသူကို မရှိခဲ့ဘူး။”

တိုက်ပွဲ​ဖြစ်ပြီးနောက် စစ်​ကောင်စီတပ်ဖွဲ့က အ​နောက်​တောင်​ကြောဘက် တက်သွားပြီး ၅ မိုင်ခန့်ရှိတဲ့ ​တောရွာ​လေးမှာ ချက်ပြုတ်စား​သောက်ရင်း စခန်းချ​နေတယ်လို့ ဆိုပါတယ်။

တိုက်ပွဲဖြစ်ပွားမှုနဲ့ သေဆုံးဒဏ်ရာရမှု အခြေအနေတွေကိုတော့ စစ်ကောင်စီဘက်က သတင်းထုတ်ပြန်တာ မရှိသေးပါဘူး။