စစ်ကိုင်းတိုင်း၊ ပုလဲမြို့နယ်အတွင်းက ​ကျေးရွာတချို့မှာ သြဂုတ် ၂၂ ရက် ​နေ့လယ်က ​စစ်​ကောင်စီတပ်​တွေ ဝင်​ရောက်လာတာ​ကြောင့် ​ဒေသခံပြည်သူ​တွေ အိမ်မှာမ​နေရဲဘဲ ထွက်​ပြေး​နေကြရပါတယ်။

စစ်​ကောင်စီတပ်ဖွဲ့​တွေက လူငယ်တချို့ကို ရိုက်နှက်ခဲ့တဲ့အပြင်  ဒေသခံတွေရဲ့ ပစ္စည်း​တွေလည်း လုယက်ယူသွားတယ်လို့ ဒေသခံတစ်ဦးက ​ပြောပါ။

“နေ့လယ် ၁၁ နာရီဝန်းကျင်​လောက်က စစ်​ကောင်စီတပ်​တွေ အင်အား ၁၀၀ ခန့်​လောက်က အရပ်ဝတ်​တွေနဲ့ ရွာ​တွေထဲ ဝင်လာတယ်။ ​ရွာထဲက လူငယ်တချို့ကို ရိုက်နှက်တာ​တွေအပြင် မင်းမအ​နောက်ရွာနဲ့ ​ကျေးနင်းရွာ​တို့က ဆန်၊ ဆီ အပါအဝင် ပစ္စည်း​တွေလည်း ယူ​ဆောင်သွားတာတွေ ရှိတယ်။ စစ်​ကောင်စီတပ်​တွေ ဝင်လာ​တာ​ကြောင့် ကျေးရွာ ၅ ရွာ​လောက်က ပြည်သူ​တွေ ထွက်​ပြေး​နေကြရတယ်” လို့ ​ဒေသခံတစ်ဦးက ​ပြောပါတယ်။

စစ်​ကောင်စီတပ်​တွေ​ကြောင့် မင်းမအ​နောက်ရွာ၊ သီတင်းရွာ၊ ကံကြီးရွာ၊ ​ကျေးသများရွာ၊ ​ကျေးနင်းရွာ စတဲ့ ​ကျေးရွာက ပြည်သူ​တွေ ထွက်​ပြေး​နေကြရပြီး စစ်​ကောင်စီတပ်​တွေက မင်းမအ​နောက်ရွာ စာသင်​ကျောင်းမှာ တပ်စွဲမယ့်အ​နေအထားရှိ​နေလို့ ​ဒေသခံ​တွေက စိုးရိမ် ထိတ်လန့်​နေကြပါတယ်။