ရေဦးမြို့နယ် ပုဏ္ဏားကားရွာက လျှပ်စစ်မီးကြိုးများ ဖြုတ်ခိုးခံရ
DVB
·
August 22, 2021
စစ်ကိုင်းတိုင်း၊ ရေဦးမြို့၊ ပုဏ္ဏားကားကျေးရွာကနေ ကားလမ်းဘေး နေအိမ်တွေကို သွယ်တန်းပေးထားတဲ့ လျှပ်စစ်မီး (ကြေး) ကြိုးတွေ ဩဂုတ် ၂၁ ရက်ညပိုင်းက ဖြုတ်ခိုးခံရ တယ်လို့ ဒေသခံတွေက ပြောပါတယ်။
ဒေသခံတစ်ဦးက “ဓာတ်တိုင်လေးခန်း ဖြုတ်ခိုးသွားတယ်ဗျ။ အဲဒီကြိုးတွေက ကျနော်တို့ရွာကနေ ကားလမ်းဘေးက အိမ်တွေအတွက် သီးသန့်ဆွဲပေးထားတာ။ ၄ ခန်းဆိုတော့ ပေခြောက်ရာလောက်ပဲ။ ပေခြောက်ရာ ၄ ချောင်းဆိုတော့ ပိဿာနဲ့တွက်မယ်ဆိုရင် မနည်းဘူးလေ။ ပြီးတော့ ကြေးကြိုးတွေချည်းပဲ” လို့ ပြောပါတယ်။
ရေဦးမြို့နယ်အတွင်း အခုလို လျှပ်စစ်မီးကြိုးခိုးယူခံရတာ ပထမဆုံးဖြစ်ပြီး အခုရက်ပိုင်း လုယက်မှုနဲ့ခိုးယူမှုတွေ ခပ်စိပ်စိပ်ဖြစ်လာတယ်လို့လည်း ဒေသခံတွေဆီက သိရပါတယ်။
