ကချင်ပြည်နယ် ဝိုင်းမော်မြို့မှာ ဖမ်းဆီးခံခဲ့ရတဲ့ ဘူးဂါးလျှပ်စစ်ဓာတ်အားပေးရေး လုပ်ငန်းက ဝန်ထမ်း ၅ ယောက်ကို ဩဂုတ် ၁၉ ရက်မနက်ပိုင်းမှာ ပြန်လွှတ်ပေးခဲ့တယ်လို့ နီးစပ်သူ တွေဆီက သိရပါတယ်။
မြောက်ပိုင်းတိုင်းစစ်ဌာနချုပ်မှာ ဖမ်းဆီးထိန်းသိမ်းခံထားရတဲ့ ဝန်ထမ်း စုစုပေါင်း ၆ ယောက် အနက် ၅ ယောက်ပြန်လွတ်လာတာဖြစ်ပြီး ကျန်တစ်ဦးကို ဘာကြောင့် ဆက်လက်ထိန်းသိမ်းထားတယ်ဆိုတာ မသိရဘူးလို့ ဘူးဂါးလျှပ်စစ်ဓာတ်အားပေးလုပ်ငန်း ၀န်ထမ်းတစ်ဦးက ပြောပါတယ်။
လက်ရှိ စစ်ဆေးဖို့ ဆက်လက်ထိန်းသိမ်းခံထားရတဲ့ ၀န်ထမ်းမှာ ဆယ်ကျော်သက်အရွယ် ကချင်လူငယ် ဆိုင်းဂူ ဖြစ်တယ်လို့ ဆိုပါတယ်။
ဝိုင်းမော်မြို့ရှိ ဘူးဂါးလျှပ်စစ်က ဝန်ထမ်းတွေကို ဩဂုတ် ၉ ရက် ညသန်းခေါင် ၁၂ နာရီလောက်မှာ စစ်ကောင်စီတပ်ဖွဲ့၀င် ရဲနဲ့ စစ်သားတွေက အင်အားအလုံးအရင်းနဲံ ၀င်ရောက်စီးနင်း ဖမ်းဆီးသွားခဲ့တာဖြစ်ပြီး ၁၀ ရက်အကြာမှာ အခုလို ပြန်လွတ်လာတာဖြစ်ပါတယ်။
