မန္တလေးတိုင်းဒေသကြီး စဉ့်ကူးမြို့နယ်အတွင်းက ကျေးရွာတချို့မှာ ရဲကြေးပေးပြီး လောင်းကစားဝိုင်းတွေ ပေါ်ပေါ်ထင်ထင်လုပ်နေကြတယ်လို့ ဒေသခံတွေက ပြောပါတယ်။

ရွှေထွက်တဲ့ ဒေသတွေဖြစ်တဲ့ နွယ်ရုံ၊ ကျည်တောက်ပေါက်၊ ငါးပြားပေး စတဲ့ ရွာတွေမှာ လုပ်နေကြတာဖြစ်ပြီး ရဲ မြို့နယ်မှူးကို နှစ်ရက် ၃ သိန်း ကျပ်၊ ရဲကင်းစခန်း စခန်းမှူးကို တစ်ရက် ၁ သိန်းကျပ် နဲ့ နယ်ထိန်းကို နှစ် ရက် ကျပ် ၂ သိန်းခွဲ ပေးဆောင်ရတယ်လို့ ဆိုကြပါတယ်။

“အာဏာသိမ်းပြီးနောက်မှာ ပေါ်ပေါ်ထင်ထင် လုပ်လာကြတယ်။ ရဲတွေကလည်း ငွေကြေးရနေတော့ ဘာမှ မပြောဘူး။” လို့ ဒေသခံတဦးက ပြောပါတယ်။

ဒါ့အပြင် ကိုဗစ် တတိယလှိုင်းမှာ ရောဂါပိုး ကူးစက်တာများလာပြီး သေဆုံးတာတွေပါ ရှိလာတဲ့အတွက် လူစုလူဝေးနဲ့ လောင်းကစား လုပ်နေတာကြောင့် ဒေသခံတွေအနေနဲ့  ရောဂါပိုး ကူးစက်မှာကို စိုးရိမ်နေကြတယ်လို့ သိရပါတယ်။