မြို့သစ်မြို့နယ်၌ ကျေးရွာအုပ်ချုပ်ရေးမှူး ၁ ဦး ဂျင်ကလိဖြင့် အပစ်ခံရ
DVB
·
July 8, 2021
မကွေးတိုင်း၊ မြို့သစ်မြို့နယ်ထဲက စစ်ကောင်စီခန့်ထားတဲ့ ကိုရံ(တောင်)ကျေးရွာအုပ်ချုပ်ရေးမှူးဟာ ဇူလိုင် ၇ ရက် ညနေ ၄ နာရီလောက်က ဂျင်ကလိနဲ့ အပစ်ခံရတယ်လို့ ဒေသခံတွေက ပြောပါတယ်။
ဒေသခံတစ်ဦးက ''ဂျင်ကလိနဲ့ပစ်ခံရတာဗျ။ သေတော့မသေဘူး။ မြို့သစ်ဆေးရုံကနေ အခြေအနေမကောင်းလို့ မကွေးဆေးရုံရောက်သွားပြီ။ အခုမှ စစ်ကောင်စီကခန့်လို့ အုပ်ချုပ်ရေးမှူးဖြစ်တာ။ ရွာထဲကလမ်းပေါ်မှာ အပစ်ခံရတာ ၈ ချက်လောက်တော့ရှိမယ်။ ဘယ်သူလုပ်သွားတာလည်း မသိကြဘူး။ ရွာကို စစ်ကောင်စီရဲ့ တပ်တွေရောက်လာလို့ ရွာသားတွေလည်း ကြောက်နေကြတယ်'' လို့ ပြောပါတယ်။
မြို့သစ်မြို့နယ်မှာ စစ်ကောင်စီကခန့်တဲ့ အုပ်ချုပ်ရေးမှူးတွေ လုပ်ကြံခံရမှုဟာ အခု ကိုရံ(တောင်)အုပ်ချုပ်ရေးမှူးက ပထမဆုံးဖြစ်ပါတယ်။
