ပခုက္ကူအခြေစိုက် CJ သတင်းထောက် ၁ ဦးကို ထောင်ဒဏ် ၃ နှစ် ချမှတ်
DVB
·
July 7, 2021
မကွေးတိုင်းဒေသကြီး၊ ပခုက္ကူမြို့အခြေစိုက် CJ သတင်းထောက် ကိုချစ်မင်းလှိုင်ကို အကြမ်းဖက်စစ်အုပ်စုက ဇူလိုင် ၆ ရက်နေ့မှာ ထောင်ဒဏ် ၃ နှစ် ချမှတ်လိုက်တယ်လို့ သူနဲ့နီးစပ်တဲ့သူတွေဆီကနေ သိရပါတယ်။
ကိုချစ်မင်းလှိုင်ကို အကြမ်းဖက်စစ်အုပ်စုက ဧပြီလ ၂၂ ရက်နေ့က ပခုက္ကူမြို့ အမှတ် ၁၄ ရပ်ကွက်ထဲက ဆိုင်တဆိုင်မှာ ဖမ်းဆီးခဲ့ပြီးတော့ ရာဇသတ်ကြီး ပုဒ်မ ၅၀၅ (က) နဲ့ တရားစွဲကာ ထောင်ဒဏ် ၃ နှစ် ချမှတ်လိုက်တာဖြစ်တယ်လို့ သူ့သူငယ်ချင်းတစ်ယောက်က DVB ကို ပြောပါတယ်။
ကိုချစ်မင်းလှိုင်ဟာ အကြမ်းဖက်စစ်ကောင်စီက အာဏာသိမ်းပြီးနောက် သတင်းဌာနတချို့ကို နွေဦးတော်လှန်ရေး သတင်းဓာတ်ပုံ၊ ဗွီဒီယိုမှတ်တမ်းတွေကို ရရာနည်းလမ်းနဲ့ စဥ်ဆက်မပြတ်ပေးပို့ခဲ့တာ ဖြစ်ပါတယ်။
