စစ်ကိုင်း ကလေးမြို့မှာ ဇွန် ၂၄ ရက်နေ့ မနက်ပိုင်းက ကိုဗစ်-၁၉ လူနာ ၃ ဦး သေဆုံးသွားတယ်လို့ သိရပါတယ်။

“မနေ့က မနက်ပိုင်းမှာ ၃ ဦး သေဆုံးတယ်။ မနေ့က ကိုဗစ်ပိုးလာစစ်သူ ၆၆ ယောက်ရှိတယ်၊ ကျနော်တို့ RDT Test kits စစ်ဆေးတယ်။ အဲဒီထဲမှာပိုးတွေ့တာ ၃၃ ယောက်ရှိတယ်” လို့ ကလေးမြို့ပရဟိတ လုပ်သူတစ်ဦးကပြောပါတယ်။

ကလေးမြို့မှာ ဇွန်လ ၂၅ ရက်နေ့ထိ ကိုဗစ်ရောဂါကြောင့် သေဆုံးသူ ၃၂ ဦးရှိပြီး ဆေးရုံစာရင်းတွေမဟုတ်ဘဲ အပြင်မှာ ကိုဗစ်ကြောင့် သေဆုံး ၃၀ ဝန်းကျင်လောက်ရှိတယ်လို့ ဒေသခံတစ်ဦးက ပြောပါတယ်။ 

“ကျနော်တို့ ကလေးမြို့မှာ ကိုဗစ်ရောဂါ အခြေအနေအတော်ဆိုးနေပြီ။ အခုထိ ထိန်းချုပ်နိုင်ခြင်း မရှိသေးတဲ့ စိုးရိမ်စရာဖြစ်နေတယ်။”