မန္တလေးတိုင်း မိတ္ထီလာနဲ့သာစည်မြို့နယ်တို့မှာ ဇွန် ၂၄ ရက်က သံဃာ ၂ ပါး နဲ့ ၂နှစ်ခွဲ ကလေးငယ်အပါဝင် ၅ ဦးမှာ ခရီးသွာရာဇဝင်မရှိဘဲ ကိုဗစ်-၁၉ရောဂါပိုးတွေ့ရှိရတယ်လို့ ကျန်းမာရေးဝန်ထမ်းတစ်ဦးက ပြောပါတယ်။
“မိတ္ထီလာလာက ဆရာတော် ၂ ပါးနဲ့ အဲဒီကျောင်းတိုက်က အမျိုးသား တစ်ဦးတို့ကို စစ်ဆေးတာမှာ ကိုဗစ်ရောဂါဖြစ်နေတာတွေ့ရတယ်။ သာစည်ဝန်ထမ်းမိသားစု တစ်စုက ဝန်ထမ်းဖြစ်သူ မိခင်နဲ့ ၂ နှစ်ခွဲအရွယ် သားတို့မှာလည်း ကိုဗစ်ပိုးတွေ့ရတယ်”
မိတ္ထီလာမြို့ နန်းတော်ကုန်းရပ်ကွက် သဒ္ဓမ္မဝံသာရုံစာသင်တိုက်(နဂါးရုံ)ဘုန်းတော်ကြီးကျောင်းက သံဃာ ၂ ပါးနဲ့ ကျောင်းတိုက်နေ အမျိုးသားတစ်ဦးကို မိတ္ထီလာခရိုင်ဆေးရုံ သီးသန့်ဆောင်မှာ ဆေးကုသပေးနေတယ်လို့ သိရပါတယ်။
အလားတူ သာစည်မြို့ အမှတ်(၁)တိုးချဲ့ရပ်ကွက်နေ မြို့နယ်စိမ်း/စိုဦးစီးဌာန ဝန်ထမ်း အမျိုးသမီးနဲ့ သားဖြစ်သူ ၂ နှစ်ခွဲကလေးငယ်တို့ကို သာစည်ဆေးရုံမှာ ဆေးကုသပေးနေတယ်လို့ သိရပါတယ်။
ဇွန်လထဲမှာပဲ မိတ္ထီလာခရိုင်ထဲက ၄ မြို့နယ်ဖြစ်တဲ့ မလှိူင် ၆ ဦး၊ ဝမ်းတွင်း ၃ ဦး၊ မိတ္ထီလာ ၃ ဦးနဲ့ သာစည်က ၂ ဦး ကိုဗစ်-၁၉ ရောဂါပိုးတွေ့ရှိထားတာကြောင့် ကိုဗစ်ပိုးတွေ့ရှိသူပေါင်း ၁၄ ဦးရှိ နေပြီဖြစ်ပါတယ်။
