မြစ်ကြီးနား ဗလမင်းထင်တံတားအနီး ပစ်ခတ်ပေါက်ကွဲမှုများဖြစ်ပွား
DVB
·
June 23, 2021
ကချင်ပြည်နယ်၊ မြစ်ကြီးနားမြို့၊ မိုင်းနားစုပေါင်းဂိတ်၊ ဗလမင်းထင်တံတားအနီး ဇွန်လ ၂၃ ရက် ဒီနေ့ ည ၇ နာရီ ၄၅ မိနစ်လောက်က ပစ်ခတ်ပေါက်ကွဲမှုတွေဖြစ်ပွားခဲ့တယ်လို့ ဒေသခံတွေထံက သိရပါတယ်။
“ဘယ်အဖွဲ့နဲ့ဘယ်အဖွဲ့ တိုက်ပွဲဖြစ်နေတာလည်းတော့ မသိဘူး။ သေနတ်သံတွေရော၊ ပေါက်ကွဲသံတွေရော ခုထိကြားနေရတယ်။”လို့ ဒေသခံတစ်ဦးက ပြောပါတယ်။
လက်ရှိအထိ ပစ်ခတ်မှုတွေရှိနေပြီး မြစ်ကြီးနားမြို့မှာ ရဟတ်ယာဉ် ပျံဝဲနေတယ်လို့လည်း ဒေသခံတွေက ပြောပါတယ်။
ပစ်ခတ်တိုက်ခိုက်မှုနဲ့ ပတ်သက်ပြီး ထိခိုက်ဒဏ်ရာရ သေဆုံးမှု သတင်းတွေကတော့ မကြားသိရသေးပါဘူး။
