မန္တလေးတိုင်း ရဲတပ်ဖွဲ့မှူးရုံးရှေ့ လက်လုပ်ဗုံးကွဲ ရဲ ၁ ဦးသေ၊ ၃ ဦး ဒဏ်ရာရ
DVB
·
June 22, 2021
မန္တလေး၊ ချမ်းအေးသာစံမြို့နယ် ၆၆ လမ်း၊ လမ်း ၃၀ နဲ့ ၃၁ လမ်းကြားရှိ မန္တလေးတိုင်း ရဲတပ်ဖွဲ့မှူးရုံးရှေ့မှာ အစောင့်ကျနေတဲ့ ရဲတပ်ဖွဲ့ဝင်တွေကို ဇွန်လ ၂၂ ရက် မွန်းလွဲပိုင်းလောက်က လက်လုပ်ဗုံးနဲ့ထုပြီး သေနတ်နဲ့ပစ်ခတ်မှု ဖြစ်ပွားခဲ့ပါတယ်။
ဗုံးကွဲ ပစ်ခတ်မှုတွေကြောင့် အစောင့် ရဲတပ်ဖွဲ့ဝင် ၁ ဦးသေဆုံးပြီး ၃ ဦး ဒဏ်ရာရခဲ့တယ်လို့ သိရပါတယ်။
“အသံအကျယ်ကြီး တစ်ချက်ကြားပြီး သေနတ်သံတွေတော့ ကြားလိုက်တယ်။ အဲ့ဒီနားမှာ အစောင့်က အမြဲရှိတယ်”လို့ မန္တလေးတိုင်း ရဲတပ်ဖွဲ့မှူးရုံး အနီးအနားနေထိုင်သူ တစ်ဦးက ဆိုပါတယ်။
မန္တလေးတိုင်း ရဲတပ်ဖွဲ့မှူးရုံးရှေ့မှာ အတားအဆီးတွေ ချထားပြီး လုံခြုံရေး တင်းကျပ်ထားပါတယ်။
