ဟင်္သာတမြို့နယ်တရားရုံးနှင့် ခရိုင်ရဲရုံးအနီး ဗုံးပေါက်ကွဲ
DVB
·
June 7, 2021
ဧရာဝတီတိုင်း၊ ဟင်္သာတမြို့မှာ ဇွန်လ ၇ ရက် ညပိုင်းက မြို့နယ်တရားရုံးနဲ့ ခရိုင်ရဲတပ်ဖွဲ့မှူးရုံးနားမှာ ဗုံးပေါက်ကွဲခဲ့ပါတယ်။
ရုံးကြီးလမ်းက မြို့နယ်တရားရုံးနဲ့ ခရိုင်ရဲတပ်ဖွဲ့မှူးရုံးအနီးမှာ ည ၇ နာရီကျော်လောက်က ပေါက်ကွဲခဲ့တာလို့ ဒေသခံတွေက ပြောပါတယ်။
ဗုံးပေါက်နေရာဟာ အကြမ်းဖက်စစ်ကောင်စီတပ်သားတွေ လုံခြုံရေးတင်းကျပ်ထားတဲ့ နေရာဖြစ်တာကြောင့် လူအထိအခိုက်ရှိနိုင်ပေမယ့် ထိခိုက်ပျက်စီးမှု အခြေအနေကို အတည်ကျ မသိရသေးဘူးလို့ ဆိုပါတယ်။
ဗုံးပေါက်ကွဲပြီး မိနစ်ပိုင်းအကြာမှာ အကြမ်းဖက်စစ်ကောင်စီရဲ့ လက်နက်ကိုင်တပ်တွေ ရောက်ရှိလာပြီး စစ်ဆေးနေကာ အနီးဝန်းကျင်ကို လုံခြုံရေး တိုးမြှင့်လိုက်တယ်လို့ သိရပါတယ်။
ဟင်္သာတမြို့မှာ ဇွန်လ ၄ ရက် မနက်ပိုင်းကလည်း အမှတ် ၁၁ မူလတန်းကျောင်းနားမှာ မပေါက်ကွဲသေးတဲ့ ဗုံးတွေ့ရှိခဲ့ပါတယ်။
