Homeမြန်မာသတင်း
တောင်တွင်းကြီးမြို့၌ ကျောင်းအုပ်ဆရာမ ၁ ဦးကို စစ်တပ်က ဖမ်းဆီးပြီး ပုဒ် ၅၀၅ (က) ဖြင့်အမှုဖွင့်
တောင်တွင်းကြီးမြို့၌ ကျောင်းအုပ်ဆရာမ ၁ ဦးကို စစ်တပ်က ဖမ်းဆီးပြီး ပုဒ် ၅၀၅ (က) ဖြင့်အမှုဖွင့်
DVB
·
June 3, 2021
မကွေးတိုင်း တောင်တွင်းကြီးမြို့က အုန်းတောကျောင်းလို့ခေါ်တဲ့ အ.လ.က (၃) (ထခွဲ) ကျောင်းရဲ့ ကျောင်းအုပ်ဆရာမကြီး ဒေါ်နီနီညွန့်ကို အကြမ်းဖက် စစ်အုပ်စုက ပုဒ်မ ၅၀၅ (က)နဲ့ အမှုဖွင့်လိုက် ပါတယ်။
''ဆရာမကြီးကို ဒီကနေ့ ဇွန်လ ၃ ရက်နေ့ မနက်ပိုင်းက တောင်တွင်းကြီးမြို့မရဲစခန်းမှာ ၅၀၅ (က) နဲ့ အမှုဖွင့်ပြီး မကွေးကိုပို့မယ်လို့ ရဲစခန်းနဲ့နီးစပ်တဲ့သူတွေက ဆက်သွယ်လို့သိရတာ” လို့ ဆရာမကြီးရဲ့ မိသားစုနဲ့နီးစပ်သူတွေထံက သိရပါတယ်။
ဆရာမကြီးဒေါ်နီနီညွန့်ဟာ အာဏာဖီဆန် CDM လှုပ်ရှားမှုမှာ ပါဝင်တဲ့အတွက်ကြောင့် မတ်လ ၅ ရက်နေ့က တာဝန်မှယာယီရပ်ဆိုင်းခံရပြီး မတ်လ ၂၇ ရက် ည ၇ နာရီလောက်မှာ စစ်တပ်က သူ့ရဲ့ နေအိမ်ကိုလာရောက်ဖမ်းဆီး ခေါ်ဆောင်သွားတာဖြစ်ပါတယ်။
