မကွေးတိုင်း၊ တောင်တွင်းကြီးမြို့က အ.ထ.က (၂)၊ ငါးဆင့်ကျောင်းနဲ့ အ.ထ.က (၄) မိုးထိကျောင်းတို့မှာ ဇွန် ၂ ရက် ဒီနေ့ညနေ ၅ နာရီ ဝန်းကျင်လောက်က ရှေ့ဆင့်နောက်ဆင့် ဗုံးပေါက်ကွဲမှုတွေ ဖြစ်ပွားခဲ့ပါတယ်။

မျက်မြင်တစ်ဦးက ''ကျနော်က ဆိုင်ကယ်နဲ့ စျေးဝယ်ပြီး အိမ်ပြန်လာတာ။ ထ ၂ ကျောင်းရှေ့ ရောက်တော့ ပေါက်ကွဲသံကြားရပြီး မီးခိုးတွေထွက်လာတယ်။ ဘာတွေပျက်စီးကုန်လည်းမသိဘူး'' လို့ ပြောပါတယ်။

မိုးထိကျောင်းနား နေထိုင်သူတစ်ဦးကလည်း  ''ကျောင်းထဲ ပေါက်ကွဲသံကြားရပြီး မီးခိုးတွေထွက်လာတယ်။ မီးလောင်တဲ့အရိပ်အယောင်တော့မမြင်ရဘူး'' လို့ ပြောပါတယ်။

ပေါက်ကွဲမှုတွေဖြစ်ပွားပြီးအချိန်ကတည်းက စစ်သားတွေနဲ့ရဲတွေရောက်လာပြီး မြို့ပေါ်မှာလည်း လူသွားလူလာတွေရှင်းသွားနေပါတယ်။

မနေ့က ဇွန်လ ၁ ရက်နေ့ညကလည်း တောင်တွင်းကြီးမြို့နယ်ထဲက  တလုပ်ပင်ကျေးရွာ အ.မ.က စာသင်ကျောင်းမှာ မီးလောင်မှုဖြစ်ပွားခဲ့ပါတယ်။