မြန်မာနိုင်ငံက စစ်ဘေးရှောင်ပြည်သူတွေအတွက် ထိုင်းနိုင်ငံရောက် မြန်မာနိုင်ငံသားတွေစုပေါင်းပြီး အလှူခံပေးနေတယ်လို့ သိရပါတယ်။

ထိုင်းနိုင်ငံ ကန်ချနဘူရီမြို့မှာ မေလကနေ စတင်ကာ ၁၅ ရက်တစ်ခါ လုပ်အားခ ပိုက်ဆံထုတ်တိုင်း လိုက်လံပြီး အလှူငွေကောက်ခံခဲ့တာ မနေ့ညက စာရင်းချုပ်ချိန်မှာ ထိုင်းဘတ်ငွေ ၃၀၁၀၀ ရရှိထားပြီးလို့ ပါဝင်သူ တဦးက ပြောပါတယ်။

" အဓိက စစ်ဘေးရှောင်တွေအတွက် မြန်မာတွေရှိတဲ့ လိုင်းခန်းတွေမှာ လိုက်ကောက်ပါတယ်။ ည ၁၀ နာရီ OT ပြီးတဲ့ အချိန်လည်း စောင့်ကောက်ယူပါတယ်။ ဘတ်ငွေ သုံးသောင်းကျော်ရရှိထားပါပြီ '' လို့ပြောပါတယ်။

ကောက်ခံလို့ရရှိထားတဲ့ ထိုင်းဘတ်ငွေ ၃၀၀၀၀ ကျော်ကို  မြန်မာနိုင်ငံက တာဝန်ရှိသူတွေနဲ့ ချိတ်ဆက်ပြီး စစ်ဘေးရှောင်တွေအတွက် လှူဒါန်းပေးသွားမှာ ဖြစ်တယ်လို့ ဆိုပါတယ်။

မြန်မာနိုင်ငံက စစ်ဘေးရှောင်စခန်းတွေအတွက် တောင်ကိုရီးယားနိုင်ငံမှာလည်း ခုလို မြန်မာနိုင်ငံသားတွေစုပေါင်းပြီး အလှူခံပေးနေတာရှိပါတယ်။