မန္တလေးတိုင်း၊ ညောင်ဦးမြို့မှာ မေလ ၂၈ ရက် မနက်အစောပိုင်းက စစ်အာဏာရှင် ဆန့်ကျင်ရေး ပင်မသပိတ်စစ်ကြောင်းဟာ မြို့ပေါ်လမ်းမပေါ်တွေမှာ ချီတက်ဆန္ဒပြခဲ့ကြပါတယ်။

ရဲနဲ့စစ်တပ်က နေရာတွေတော်များများမှာ ရှိနေပြီးတော့ အခက်အခဲ အတားဆီးတွေကို ရှောင်ကွင်းပြီး ငြိမ်းချမ်းစွာ ချီတက်ဆန္ဒပြခဲ့ကြတာပါ။ 

ဆန္ဒပြပြည်သူတွေက စစ်ကျွန်ပညာရေး စနစ်အလိုမရှိကြောင်း၊ ဖမ်းဆီးခံခေါင်းဆောင်တွေ ပြန်လွှတ်ပေးရေး ၊ ဖက်ဒရယ် ဒီမိုကရေစီရရှိရေး ၊ NUGနဲ့ PDF ကို ထောက်ခံကြောင်း တောင်းဆို ဆန္ဒပြခဲ့ကြပြီးတော့ အန္တရာယ်ကင်းကင်းနဲ့ လူစုခွဲနိုင်ခဲ့တယ်လို့ သပိတ်အဖွဲ့ဝင်တစ်ယောက်က DVB ကိုပြောပါတယ်။

ညောင်ဦးမြို့မှာ စစ်အာဏာရှင်ပြုတ်ကျရေး ပင်မသပိတ်စစ်ကြောင်းဟာ နေ့စဉ် ချီတက်ဆန္ဒပြနေတာဖြစ်ပြီးတော့ လူသတ်အကြမ်းဖက်စစ်ကောင်စီကို နည်းလမ်းပေါင်းစုံနဲ့ တော်လှန်သွားမယ်လို့ ဆိုပါတယ်။